फिटजी क्लासेसला 5 राज्यात कुलूप; पुण्यातील सेंटरही बंद

एज्युवार्ता न्यूज नेटवर्क 

FIITJEE कोचिंग इन्स्टिट्यूटने देशातील ५ राज्यांमधील कोचिंग क्लालेसची केंद्रे अचानक बंद (Coaching classes centers closed) केली आहेत. यामुळे कोचिंग सेंटरमध्ये शिकणाऱ्या हजारो विद्यार्थ्यांना अनेक समस्यांचा सामना करावा लागत आहे. कोणतीही पूर्व सूचना किंवा नोटीस न देता क्लासेस बंद केल्याने फिटजी क्लासेसने विद्यार्थ्यांना फसवल्याचे बोलले जात आहेत. 

FIITJEE ही एक प्रसिद्ध संस्था आहेअसून विद्यार्थ्यांना संयुक्त प्रवेश परीक्षेसाठी म्हणजेच IIT-JEE परीक्षेसाठी तयार करते. ज्या शहरांमध्ये ही केंद्रे बंद होती, तिथे पालक पोहोचण्यापूर्वीच संचालकांनी केंद्रांना कुलूप लावले आणि ते तिथून पसार झाले. अनेक पालकांनी लाखो रुपयांचे आगाऊ शुल्क जमा केले आहे. या क्लासेसमध्ये प्रत्येक वर्षासाठी अडीच ते तीन लाख रुपये शुल्क घेतले जाते. 

FITJEE च्या या कोचिंग सेंटर्समध्ये, मेरठमध्ये ४०० विद्यार्थी, नोएडामध्ये २००० विद्यार्थी, भोपाळमध्ये ७०० विद्यार्थी, पटनामध्ये २०० विद्यार्थी शिक्षण घेत आहेत. यासह देशातील अनेक ठिकाणी शिक्षण घेत आहेत. FITJEE ची सुरुवात १९९२ मध्ये आयआयटी दिल्लीचे माजी विद्यार्थी डीके गोयल यांनी केली होती. ही संस्था अभियांत्रिकी आणि विज्ञान परीक्षांच्या तयारीसाठी प्रसिद्ध होती.

महाराष्ट्रात देखील ३०० हून अधिक विद्यार्थी असलेले केंद्र बंद महाराष्ट्रातील पुणे आणि पिंपरी चिंचवड येथील केंद्रे देखील बंद करण्यात आली आहेत. यामध्ये, केंद्र प्रमुख राजेश कर्ण यांनी एका अनधिकृत बैठकीत सांगितले होते की, कोचिंग संस्थेकडे कर्मचाऱ्यांना पगार देण्यासाठी आणि केंद्राचे भाडे देण्यासाठीही पैसे नाहीत.

काही महिन्यांपूर्वी पुण्यातील क्लास विरोधात पोलिसांकडे तक्रार देण्यात आली होती.क्लास बंद होत असल्याचे पाहून येथील शिक्षक दुसरीकडे नोकरीसाठी रूजू झाले तर विद्यार्थ्यांनी सुध्दा दुसऱ्या खासगी क्लास मध्ये प्रवेश घेतला.