वसतिगृहात रॅगिंग ! बेल्ट, बॅट, दांडक्यांनी विद्यार्थ्यांना अमानुष मारहाण

एज्युवार्ता न्यूज नेटवर्क

कोल्हापूर येथील एका निवासी वसतिगृहातून (Kolhapur hostel ragging) धक्कादायक बातमी समोर आली आहे. अल्पवयीन मुले हातामध्ये बेल्ट, बॅट आणि दांडके घेऊन लहान विद्यार्थ्यांना अमानुष पद्धतीने मारहाण (Students beaten inhumanely) करत असल्याचा व्हिडिओ सध्या सोशल मीडियावर व्हायरल (Viral video on social media) झाला. तळसंदेमधील एका निवासी हॉस्टेलमध्ये रॅगिंगचा हा प्रकार उघडकीस आला आहे. त्यामुळे नागरिकांतून संतप्त प्रतिक्रिया व्यक्त होत आहेत.

व्हिजन इंग्लीश मेडियम स्कूलमधील पालकांनी फी वाढी विरोधात उठवला आवाज

तळसंदेमधील एका निवासी हॉस्टेलमध्ये अल्पवयीन मुले लहान विद्यार्थ्यांना रॅगिंग करून मारहाण करत असल्याची घटना व्हायरल व्हिडिओमुळे समोर आली आहे. हातात बेल्ट, बॅट आणि दांडके घेवून मारहाण करण्यात आली. या प्रकरणानंतर पालकांसह नागरिकांकडून संतप्त प्रतिक्रिया व्यक्त होत आहेत. हॉस्टेल प्रशासन अथवा पोलिसांकडून या संदर्भात अधिकृतरित्या कुठलीही माहिती देण्यात आलेली नाही. मात्र, हे शाळेच्या हॉस्टेलमधीलच व्हिडिओ चित्रीकरण असल्याचे समोर आले आहे.

हॉस्टेलमध्ये किरकोळ कारणावरून वाद झाला. त्या भांडणात आरोपीने दोन्ही मुलांना ताकिद दिली होती. याच भांडणाच्या कारणावरून पीटी परेडवेळी आरोपीने जखमी विद्यार्थ्यास स्टेजवर नेऊन मारहाण केली होती. यात विद्यार्थ्यास दुखापत झाली. याप्रकरणी रेक्टर विरोधात वडगाव पोलिसांत गुन्हा नोंद करण्यात आला होता. मात्र, हा वाद मिटायचा सोडून तो आणखीनच वाढताना दिसून येत आहे. त्यामुळे आता यावर पोलिसच कायद्याने या प्रकरणात लक्ष घालून मार्ग काढतील अशी शक्यता आहे.