पुणे महानगरपालिका शाळातील नगरसेवक कोटा झाला खुला; आम आदमी पार्टीच्या मागणीला यश 

एज्युवार्ता न्यूज नेटवर्क 

मागील तीन वर्षापासून पुणे महानगरपालिकेत 'प्रशासक राज' सुरू आहे. त्यामुळे पालिकेच्या शाळांमधील नगरसेवक शिफारस कोटा (Councilor recommendation quota) यांच्याअंतर्गत भरल्या जाणाऱ्या जागा रिक्त राहात होत्या. या जागा रिक्त न राहता त्या ठिकाणी इतर विद्यार्थ्यांना प्रवेश मिळावेत म्हणू आम आदमी पार्टीचे मनोज शेट्टी व श्रद्धा शेट्टी (Manoj Shetty and Shraddha Shetty) यांनी वारंवार पाठपुरावा केला. त्यानुसार आता या जागा आता खुल्या पद्धतीने भराव्यात असा आदेश प्रशासनाने काढला (Orders issued) आहे. 

पुणे शहरात महानगरपालिका आणि आकांक्षा फाउंडेशन संयुक्त विद्यमाने पाच शाळा चालवितात. यामध्ये काही जागा नगरसेवकांच्या शिफारसीनुसार भरल्या जातात. परंतु गेल्या तीन वर्षात निवडणुका न झाल्यामुळे नगरसेवक पद रिक्त आहेत आणि त्यामुळे काही मुलांचे प्रवेश रखडले होते. यासंदर्भात आता आम आदमी पार्टीच्या मागणीनुसार या जागी तातडीने लॉटरी मधील प्रतीक्षा यादीतील मुलांना प्रवेश देण्यात यावेत, असा आदेश मनपा उपायुक्त विजयकुमार थोरात यांनी काढला आहे. 

प्राध्यापक भरती केव्हा; अधिवेशनात आमदारांचा सरकारला सवाल

आता यामुळे साठ मुलांना हे प्रवेश मिळतील. या संस्थेमार्फत चालवल्या जाणाऱ्या कोरेगाव पार्क येथील कस्तुरबा गांधी इंग्रजी विद्यालय व येरवडा परिसरातील मातोश्री इंग्रजी शाळेमध्ये आता हे प्रवेश शाळेने तातडीने करावीत, अशी मागणी मनोज शेट्टी यांनी केली आहे.

पुण्यात संयुक्तपणे आकांक्षा फाउंडेशन पाच शाळा तर आयटी फाउंडेशन सात शाळा चालवतात. शिक्षण हक्क कायद्यानुसार मुलांना त्यांच्या नजीकच्या अंतरात शाळा उपलब्ध करून देणे ही पालिकेची जबाबदारी आहे. त्यामुळे अशा पद्धतीने नगरसेवकांसाठी राखीव शाळा प्रवेश यापुढे गैरलागू करावी, अशी ही मागणी आपचे मुकुंद किर्दत यांनी केली आहे.