पुणे महानगरपालिका! आरोग्य विभागांतर्गत विविध पदांसाठी मुलाखतीचे वेळापत्रक जाहीर

एज्युवार्ता न्यूज नेटवर्क 

पुणे महानगरपालिकेने (Pune Municipal Corporation) आरोग्य विभागांतर्गत विविध पदांसाठी मुलाखतीचे वेळापत्रक प्रसिद्ध (Interview schedule published) केले आहे. काही दिवसांपुर्वी पालिकेने सहा महिने करार पद्धत मानधनावर उमेदवारांकडून अर्ज मागवले. त्यानंतर अर्जासोबत जोडण्यात आलेल्या कागदपत्रांच्या आधारे उमेदवारांची निवड करण्यात आली. निवड करण्यात आलेल्या उमेदवारांना पुणे महापालिका मुख्य इमारत, तिसरा मजला, आरोग्य विभाग कार्यालय येथे ११ व १२ जुलै रोजी दिलेल्या वेळेत मुलाखतीसाठी उपस्थित राहण्याचे आवाहन पालिकेकडून करण्यात आले आहे. 

पुणे महानगरपालिका आरोग्य विभागांतर्गत मागील वर्षी ६ जून २०२३ रोजी देण्यात आलेल्या जाहिरातीनुसार १९ जून २०२३ रोजी आवश्यक मूळ कागदपत्रांसह अनुभवधारक उमेदवारांकडून अर्ज मागविण्यात आले होते. सादर करण्यात आलेल्या अर्जाच्या निवडप्रकियेतून उमेदवारांची निवड करण्यात आली. उमेदवारांनी मुलाखत देण्यासाठी पात्रता व अनुभवाच्या मूळ कागदपत्रांसह खाली नमूद केलेल्या तारीख व वेळेप्रमाणे आपल्या पदानुसार मुख्य इमारत, तिसरा मजला, आरोग्य कार्यालय, पुणे महानगरपालिका येथे उपस्थित राहावे, असे परिपत्राद्वारे कळवण्यात आले आहे. 

पालिकेने करार पद्धतीने सेवा घेण्याकरिता आरोग्य खात्यामार्फत (उदा. एका पद करिता पाच पात्र उमेदवार) जेवढ्या प्रवर्गा साठी उमेदवार असतील त्याप्रमाणे पाचपट उमेदवारच्या मुलाखती घेण्यात येतील. एका पद करिता पाच पात्र उमेदवार बोलविण्यात आले आहेत. परंतु त्या पैकी काही उमेदवार उपस्थित झाले नाही तर पुढील पात्र उमेदवारांना संधी देण्यात येईल, असे पालिकेच्या वतीने सांगण्यात आले आहे.