SPPU NEWS : नेट परीक्षेमुळे एक्झमशन मिळालेल्या विद्यार्थ्यांना 'पीएचडी प्रवेश' सुरु
नॅशनल टेस्टिंग एजन्सीच्या माध्यमातून 21 ऑगस्ट ते 5 सप्टेंबर या कालावधीत यूजीसी नेट परीक्षा घेण्यात आली. या परीक्षेतून उत्तीर्ण झालेल्या व पेट परीक्षेसाठी पात्र ठरलेल्या विद्यार्थ्यांना विद्यापीठाच्या पीएचडी प्रवेशासाठी 5 नोव्हेंबरपर्यंत अर्ज करता येणार आहे.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठाच्या (Savitribai Phule Pune University) पीएचडी प्रवेशासाठी नेट परीक्षा दिलेल्या विद्यार्थ्यांना (For students who have appeared in the NET exam for PhD admission) प्रवेश अर्ज (Admission Application) भरण्यासाठी संधी उपलब्ध करून देण्यात आली आहे. मात्र, केवळ विद्यापीठातर्फे घेण्यात आलेली पीएचडी प्रवेश पूर्व परीक्षा (Pre-PhD Admission Test) दिलेल्या विद्यार्थ्यांनाच पीएचडी प्रवेशासाठी येत्या 5 नोव्हेंबरपर्यंत अर्ज करता येणार आहे.
सावित्रीबाई फुले पुणे विद्यापीठाच्या विविध संशोधन केंद्रामध्ये रिक्त असलेल्या पीएचडी प्रवेशाच्या जागांसाठी 31 ऑगस्ट रोजी पीएचडी प्रवेश पूर्व परीक्षा घेण्यात आली होती. या परीक्षेचा निकाल जाहीर करण्यात आला. त्यानंतर विद्यापीठाने पीएचडी प्रवेशासाठी विविध संशोधन केंद्रांवरील मार्गदर्शकांकडे रिक्त झालेल्या जागा अद्यावत करण्यासाठी मुदत दिली होती. ही मुदत आता 5 नोव्हेंबरपर्यंत वाढविण्यात आली आहे. त्यामुळे पीएचडी प्रवेशाचा रिक्त जागांमध्ये वाढ होणार आहे.
यंदा प्रथमच नेट परीक्षेद्वारे पीएचडी प्रवेशासाठी विशिष्ट गुण मिळवलेल्या विद्यार्थ्यांना प्रवेश देण्याचा निर्णय ugc तर्फे घेण्यात आला होता. त्यामुळे नेट परीक्षेद्वारे पीएचडी प्रवेशासाठी पात्र झालेल्या विद्यार्थ्यांना प्रवेश अर्ज भरण्याची संधी देण्यात आली आहे.
नॅशनल टेस्टिंग एजन्सीच्या माध्यमातून 21 ऑगस्ट ते 5 सप्टेंबर या कालावधीत यूजीसी नेट परीक्षा घेण्यात आली. या परीक्षेतून उत्तीर्ण झालेल्या व पेट परीक्षेसाठी पात्र ठरलेल्या विद्यार्थ्यांना विद्यापीठाच्या पीएचडी प्रवेशासाठी 5 नोव्हेंबरपर्यंत अर्ज करता येणार आहे. मात्र, विद्यापीठाची पेट परीक्षा दिलेल्या आणि नेट परीक्षेद्वारे उत्तीर्ण झाल्यामुळे एक्झमशनसाठी पात्र ठरलेल्या विद्यार्थ्यांनाच हा पीएचडी प्रवेशाचा अर्ज करता येणार आहे.
पीएचडी प्रवेशासाठी खुल्या संवर्गातील विद्यार्थ्यांना पाचशे रुपये तर आरक्षित संवर्गातील विद्यार्थ्यांना चारशे रुपये शुल्क भरावे लागणार आहे. विद्यार्थी https://bcud.unipune.ac.in/Phd/Ph.D_Addmission/index.html या लिंकवर पीएचडी प्रवेशासाठी अर्ज करू शकतात.
