युजीसी नेट डिसेंबर २०२५ ची सुधारित अंतिम अन्सर की प्रसिद्ध

एज्युवार्ता न्यूज नेटवर्क 

यूजीसी नेट डिसेंबर २०२५ (UGC NET December 2025) परीक्षा दिलेल्या लाखो उमेदवारांसाठी एक महत्त्वपूर्ण बातमी समोर आली आहे. नॅशनल टेस्टिंग एजन्सी (NTA) ने परीक्षेची सुधारित अंतिम अन्सर की प्रसिद्ध (Final answer sheet published) केली आहे. यापूर्वी प्रसिद्ध झालेल्या अंतिम उत्तरतालिकेमध्ये सर्व विषयांचा समावेश नव्हता आणि अनेक विद्यार्थ्यांनी त्यात चुका असल्याची तक्रार केली होती. या आक्षेपांनंतर आणि दिल्ली उच्च न्यायालयाच्या निर्देशांनुसार, (Delhi High Court Directive) एनटीएने आता उत्तरपत्रिकांची पुन्हा तपासणी करून एक नवीन सुधारित अंतिम अन्सर प्रसिद्ध केली आहे. 

ज्यामुळे विद्यार्थ्यांना अधिक अचूक मूल्यांकन मिळण्याची अपेक्षा आहे. परीक्षा दिलेले उमेदवार लवकरच त्यांचे सुधारित निकाल पाहू शकतील. यापूर्वी प्रसिद्ध झालेल्या उत्तरतालिकेमध्ये केवळ काही विषयांची उत्तरे समाविष्ट होती. शिवाय, अनेक उमेदवारांनी दावा केला होता की काही प्रश्नांची उत्तरे चुकीची दिली होती. एका विद्यार्थ्याने दिल्ली उच्च न्यायालयात याचिका दाखल केल्यानंतर, न्यायालयाने NTA ला या प्रश्नांची पुन्हा तपासणी करण्याचे निर्देश दिले. यानंतर, NTA ने सर्व आक्षेपांचे पुनरावलोकन केले आणि आता एक नवीन, सुधारित उत्तरसूची प्रसिद्ध केली आहे.

इतिहास विषयात सर्वाधिक बदल करण्यात आले आहेत. चार प्रश्न पूर्णपणे काढून टाकण्यात आले आहेत आणि तीन प्रश्नांसाठी आता दोन अचूक उत्तरे आवश्यक आहेत. विद्यार्थ्यांच्या आक्षेपांनंतर हे बदल करण्यात आले. या विषयात ६० हजारांहून अधिक उमेदवार बसले होते वाणिज्य विषयाच्या पेपरमध्येही काही सुधारणा करण्यात आल्या आहेत. तीन प्रश्न काढून टाकण्यात आले आहेत आणि एका प्रश्नासाठी दोन अचूक उत्तरे स्वीकारण्यात आली आहेत. या सुधारित उत्तरतालिकेवर तरी विद्यार्थी समाधान व्यक्त करणार का? हे पाहाणं महत्त्वाचं ठरणार आहे.