NIOS: दहावी आणि बारावीच्या परीक्षांचे वेळापत्रक जाहीर
वेळापत्रकानुसार 10वी आणि 12वीच्या परीक्षा 22 ऑक्टोबर ते 29 नोव्हेंबर या कालावधीत होणार आहेत. उमेदवार अधिकृत वेबसाइट sdmis.nios.ac.in ला भेट देऊन भारतातील आणि परदेशातील परीक्षा केंद्रांचे वेळापत्रक तपासू शकतात.
eduvarta@gmail.com 
एज्युवार्ता न्यूज नेटवर्क
नॅशनल इन्स्टिट्यूट ऑफ ओपन स्कूलिंगने (National Institute of Open Schooling) ऑक्टोबर-नोव्हेंबर सत्रासाठी (October-November Exams) इयत्ता 10वी, 12वी (Class 10th and 12th) परीक्षेचे वेळापत्रक ((exam time table) प्रसिद्ध केले आहे. जाहीर झालेल्या वेळापत्रकानुसार 10वी आणि 12वीच्या परीक्षा 22 ऑक्टोबर ते 29 नोव्हेंबर या कालावधीत होणार आहेत. उमेदवार https://sdmis.nios.ac.in/ या अधिकृत वेबसाइटला भेट देऊन भारतातील आणि परदेशातील परीक्षा केंद्रांचे वेळापत्रक तपासू शकतात.
NIOS ने आपल्या निवेदनात नमूद केले आहे की, “माध्यमिक आणि उच्च माध्यमिक अभ्यासक्रमांसाठी ऑक्टोबर/नोव्हेंबर 2024 च्या NIOS सार्वजनिक परीक्षा 22 ऑक्टोबर 2024 पासून भारत आणि परदेशातील नियुक्त परीक्षा केंद्रांवर होणार आहेत. उमेदवार NIOS वेबसाइटला भेट देऊन इतर महितीसह प्रवेशपत्र (Hallticket) डाउनलोड करू शकतात. परीक्षेचा निकाल परीक्षेच्या शेवटच्या तारखेनंतर सात आठवड्यांनी जाहीर होईल."
यशस्वी उमेदवारांना त्यांच्या संबंधित ALS द्वारे मार्क-शीट-सह-प्रमाणपत्र आणि स्थलांतर-सह-हस्तांतरण प्रमाणपत्र थेट जारी केले जाईल. रद्द ALS बाबतीत, ही कागदपत्रे संबंधित प्रादेशिक केंद्राकडून उमेदवारांना त्यांच्या NIOS मध्ये उपलब्ध असलेल्या निवासी पत्त्यावर पोस्टाने पाठवली जातील.
एनआयओएसने सांगितले की, "ऑक्टोबर-नोव्हेंबरमध्ये होणाऱ्या सार्वजनिक परीक्षांच्या तारखांमध्ये कोणताही बदल होणार नाही."
NIOS डेट शीट डाउनलोड करण्यासाठी NIOS ची अधिकृत वेबसाइट sdmis.nios.ac.in वर जा. अधिसूचना विभागांतर्गत, “ऑक्टोबर/नोव्हेंबर 2024 अखिल भारतीय मध्ये होणाऱ्या माध्यमिक आणि उच्च माध्यमिक अभ्यासक्रमांच्या सार्वजनिक परीक्षेची तारीख पत्रक” या लिंकवर क्लिक करा. नंतर NIOS डेट शीट 2024 PDF स्क्रीनवर प्रदर्शित होईल. त्यानंतर PDF डाउनलोड करा.
