NEET UG 2024 : नीट युजी पहिल्या फेरीसाठी 14 ऑगस्टपासून नोंदणी सुरू
नेट युजी समुपदेशनामध्ये सहभागी होवू इच्छित असणाऱ्या उमेदवारांना उद्यापासून नॅशनल मेडिकल कौन्सिलचे अधिकृत संकेतस्थळ mcc.nic.in वर नोंदणी करता येणार आहे.
Eduvarta
एज्युवार्ता न्यूज नेटवर्क
नीट युजी (NEET UG) समुपदेशनामध्ये सहभागी होवू इच्छित असणाऱ्या उमेदवारांना उद्यापासून नॅशनल मेडिकल कौन्सिलचे (NMC) अधिकृत संकेतस्थळ mcc.nic.in वर नोंदणी करता येणार (Registration Start) आहे. नीट युजी प्रवेशासाठी एकूण ४ फेऱ्यांमध्ये समुपदेशन प्रक्रिया पूर्ण (Complete the counseling process) केली जाणार आहे. महत्त्वपुर्ण असलेल्या फेरी 1 साठी नोंदणी विंडो 14 ऑगस्ट रोजी दुपारी 12 वाजता उघडली जाणार असून उमेदवारांना 20 ऑगस्टपर्यंत नोंदणी करता येणार आहे.
उमेदवारांना येत्या 14 ऑगस्ट ते 20 ऑगस्ट दुपारी 3 वाजेपर्यंत उमेदवार शुल्क जमा करू शकतात. काॅलेज ऑप्शन फाॅर्म 16 ऑगस्टपासून सुरू होणार असून 20 ऑगस्ट रोजी रात्री 11.55 वाजेपर्यंत सुरू राहतील. समुपदेशन प्रक्रियेत सहभागी संस्था आणि राष्ट्रीय वैद्यकीय आयोग (NMC) यांच्याकडून 14 ते 15 ऑगस्ट दरम्यान प्रोव्हिजनत सीट मॅट्रिक्सची पडताळणी केली जाईल.
पहिल्या फेरीसाठी जागा वाटपाची प्रक्रिया 21 ते 22 ऑगस्टपर्यंत चालणार आहे. पहिल्या फेरीसाठी जागा वाटपाचा निकाल २३ ऑगस्टला जाहीर होणार आहे. ज्या विद्यार्थ्यांना पहिल्या यादीत जागा देण्यात येतील. त्यांना 24 ते 29 ऑगस्ट दरम्यान आपापल्या महाविद्यालयात कळवावे लागणार आहे.
NEET UG समुपदेशनाच्या दुसऱ्या फेरीसाठी सीट मेट्रिक्सची पडताळणी संस्था 4 ते 5 सप्टेंबर दरम्यान केली जाईल. दुसऱ्या फेरीसाठी नोंदणी प्रक्रिया 5 सप्टेंबरपासून सुरू होणार असून ती 10 सप्टेंबर दुपारी 12 वाजेपर्यंत चालणार आहे. 10 सप्टेंबर रोजी दुपारी 3 वाजेपर्यंत चॉईस फिलिंग 6 सप्टेंबरपासून सुरू होईल आणि 10 सप्टेंबर रोजी रात्री 11.55 वाजता संपेल. चॉईस लॉकिंग 10 सप्टेंबर रोजी दुपारी 4 ते 11.55 या वेळेत होईत. दुसऱ्या फेरीच्या जागावाटपाचा निकाल १३ सप्टेंबरला जाहीर होणार आहे.
