मुंबईचे शिक्षण अधिकारी संदीप सांगवे निलंबित, ५ कोटींची गैरव्यवहाराची SIT मार्फत चौकशी
महापॉवरफुल अधिकारी माझ कोणी काही करू शकत नाही असे वारंवार बोलून दाखवतो. मागील तारखा टाकून लाखो रूपये उचलत शेकडो फाईल मंजूर केल्या आहेत. या अधिकाऱ्याने शासनाच्या तिजोरीचं कोट्यवधी रूपयांचे नुकसान केले आहे, असा आरोप संजय उपाध्याय यांनी केला आहे.
eduvarta@gmail.com 
एज्युवार्त न्यूज नेटवर्क
भाजपचे आमदार संजय उपाध्याय (MLA Sanjay Upadhyay) यांनी मुंबई शिक्षण उपसंचालक संदीप सांगवे (Mumbai Deputy Director of Education Sandeep Sangve) यांच्यावर भ्रष्टाचाराचे गंभीर आरोप केले आणि त्यांच्या विरोधात लक्षवेधी उपस्थित केली. त्यानंतर शिक्षणमंत्री दादा भुसे (Education Minister Dada Bhuse) यांनी संदीप सांगवे यांना निलंबित केल्याची घोषणा केली. तसेच या प्रकरणाची चौकशी करण्यासाठी आयएएस अधिकारी , आयएएस आणि शिक्षण तज्ञ यांची एसआयटी (SIT) स्थापन करुन चौकशी केली जाईल. कोणालाही पाठीशी घातले जाणार नसल्याचे मंत्री भुसे म्हणाले.
महापॉवरफुल अधिकारी माझ कोणी काही करू शकत नाही असे वारंवार बोलून दाखवतो. मागील तारखा टाकून लाखो रूपये उचलत शेकडो फाईल मंजूर केल्या आहेत. या अधिकाऱ्याने शासनाच्या तिजोरीचं कोट्यवधी रूपयांचे नुकसान केले आहे, असा आरोप संजय उपाध्याय यांनी केला आहे.
मुंबई विद्यापीठ : महाविद्यालयांच्या चुकीमुळे १७ हजार विद्यार्थ्यांचे निकाल प्रलंबित
संदीप सांगवे यांची लक्षवेधी लागली तर याचे अनेक दलाल माझ्याकडे आले. ही लक्षवेधी सभागृहात मांडूच शकणार नाही असे खुले आव्हान मला या अधिकाऱ्याने दिले होते असे संजय उपाध्यय म्हणाले. ते म्हणाले की, "महापालिकेतील अधिकारी माझ्यावर रेकी करत होते. एकही आमदार माझ्या विरोधात काही करू शकणार नाही अस वारंवार आव्हान दिले गेले. चौकशी चालू असताना या अधिकाऱ्याने सरसकट चुकीच्या मान्यता दिल्या," असा खळबळजनक आरोप त्यांनी केला. त्यानंतर शालेय शिक्षणमंत्री या संपूर्ण प्रकरणाची एसआयटीमार्फत चौकशी करण्यात येणार असल्याचे सांगितले.
नागपूर पेक्षाही मुंबईत मोठा शालार्थ आयडी घोटाळा
शिक्षण विभागात नागपूर पेक्षाही मोठा घोटाळा झाला असून त्यात मुंबईचे माजी शिक्षण उपसंचालक व सध्या मुंबई महानगरपालिकेतील शिक्षणाधिकारी संदीप सांगवे यांचा हात असून या घोटाळ्याचे एसआयटी चौकशी करावी, अशी मागणी विधानसभेत करण्यात आली. त्यावर शालेय शिक्षण मंत्री दादा भुसे यांनी सांगवी यांना निलंबित केल्याची घोषणा केली.
शिक्षण विभागात गेल्या काही कालावधीपासून मोठे घोटाळे झाल्याचे उघड होत आहे.त्यातच आता शालार्थ आयडी घोटाळा समोर आला आहे. भाजपाचे आमदार संजय उपाध्याय यांनी या प्रकरणे विधानसभेत लक्षवेधी मांडली. त्यात त्यांनी अनेक मोठे खुलासे केले. विधानसभेत प्रश्न उपस्थित करता येऊ नये यासाठी सुद्धा दबाव आणला गेल्याचे उपाध्याय म्हणाले. त्यावर हा प्रश्न सभागृहात येऊ नये यासाठी ज्या ज्या व्यक्ती संजय उपाध्याय यांना भेटण्यास गेल्या त्यांची सुद्धा चौकशी केली जाईल, असे आश्वासन दादा भुसे यांनी यावेळी दिले.
संजय उपाध्याय म्हणाले, एकही आमदार माझे काहीही करू शकत नाही,अशा प्रकारची भाषा हा अधिकारी वापर होता. शालार्थ आयडी साठी शिक्षकांनी शिक्षण उपसंचालक कार्यालयाकडे पाठपुरावा केला. मात्र, वर्ष होऊन गेले तरी त्यांना शालार्थ आयडी दिला गेला नाही.अखेर शिक्षक न्यायालयाचे दार ठेवतात. न्यायालयाकडून आदेश प्राप्त झाल्यानंतरही संदीप सांगवे हा शिक्षणाधिकारी शालार्थ आयडी देत नाही. न्यायालयाचा अवमान झाल्याप्रकरणी तीन लाखाहून अधिक दंड ठोठावला जातो. त्यानंतर संबंधित शिक्षकांना शालार्थ आयडी मिळतो. ही महाराष्ट्रासाठी लाजिरवाणी गोष्ट आहे. शालार्थ आयडीसाठी मोठ्या प्रमाणावर पैसे घेतले जात असल्याचा आरोपही उपाध्याय यांनी यावेळी केला.
