MHT-CET 2024 : एमएच-डीपीएन/पीएचएन सीईटी प्रवेश परीक्षा नोंदणी अर्जाला सुरुवात 

एज्युवार्ता न्यूज नेटवर्क 

राज्य सामाईक प्रवेश परीक्षा कक्षातर्फे (CET Cell) शैक्षणिक वर्षे २०२४-२५ करीता (Academic Year 2024-25) पदवी व पदव्युत्तर पदवी अभ्यासक्रमासाठी (Graduate Post Graduate Course) सीईटी  सेलकडून प्रवेश  परीक्षा घेण्यात येत आहेत. एमएच-डीपीएन/पीएचएन सीईटी - २०२४ (MH-DPN/PHN CT - 2024) प्रवेश परीक्षेसाठी १६ एप्रिलपासून अर्ज नोंदणीला सुरुवात झाली आहे. 

 शैक्षणिक वर्ष २०२४-२५ साठी मध्ये शुश्रृषा संवर्गाशी  संबंधित मनोरुग्ण तज्ञ परिचारीका (डी.पी.एन) व सार्वजनिक आरोग्य परिचारीका (पी.एच.एन.) या अभ्यासक्रमांच्या प्रवेशासाठी एमएच-डीपीएन/पीएचएन सीईटी - २०२४ प्रवेश परीक्षा राज्य सामाईक प्रवेश परीक्षा कक्षामार्फत घेण्यात येणार आहे. त्यासाठी १६ एप्रिलपासून अर्ज नोंदणीसाठी सुरुवात झाली आहे. इच्छून उमेदवार सीईटी सेलचे अधिकृत संकेतस्थळ www.mahacet.org वर आपला अर्ज भरु शकतात. अर्ज भरण्याची अंतिम मुदत ३० एप्रिल रात्री ११:५९ वाजेपर्यंत देण्यात आली आहे. 

(डी.पी.एन) व सार्वजनिक आरोग्य परिचारीका (पी.एच.एन.) या प्रवेश परीक्षेसाठी राज्यातील मुंबई, पुणे, छत्रपती संभाजीनगर आणि नागपूर या चार जिल्ह्यातील विविध परीक्षा केंद्रावर ऑनलाईन पद्धतीने ही परीक्षा घेण्यात येणार असल्याचे सीईटी सेलने जाहिर केले आहे. अधिक आणि  सविस्तर माहितीसाठी अधिकृत संकेतस्थळाला भेट द्यावी.