एमबीए-एमएमएस सीईटी: ८ विद्यार्थ्यांची शंभर पर्सेंटाईलची कामगिरी
शंभर पर्सेंटाईल मिळविणाऱ्या विद्यार्थ्यांमध्ये नाशिकचे साहील बाळासाहेब गाजरे, नागपूरचे पार्थ सतीश मालसरिया, नमन अग्रवाल व यशोधरा राजे राठोड, मुंबईचे शशांक चंद्रहास प्रभू आणि अमरावतीची शुभांगी संदीप ठाकूर यांचा समावेश आहे.
eduvarta@gmail.com 
. एज्युवार्ता न्यूज नेटवर्क
एमबीए-एमएमएस सीईटीमध्ये एकूण ८ विद्यार्थ्यांनी १०० पर्सेंटाईल गुण मिळविले. त्यामध्ये महाराष्ट्रातील सहा आणि राज्याबाहेरील दोन विद्यार्थ्यांचा समावेश आहे. शंभर पर्सेंटाईल मिळविणाऱ्या विद्यार्थ्यांमध्ये नाशिकचे साहील बाळासाहेब गाजरे, नागपूरचे पार्थ सतीश मालसरिया, नमन अग्रवाल व यशोधरा राजे राठोड, मुंबईचे शशांक चंद्रहास प्रभू आणि अमरावतीची शुभांगी संदीप ठाकूर यांचा समावेश आहे. तसेच उत्तर प्रदेशातील गाझियाबादचे अक्षय प्रधान आणि उत्तराखंडमधील डेहराडूनचे रुद्र कैनतुरा यांनीही १०० पर्सेंटाईल मिळविले आहे.
प्रवर्गनिहाय अव्वल विद्यार्थी
खुल्या प्रवर्गात नागपूरचे पार्थ सतीश मालसरिया, नमन अग्रवाल, मुंबईचे शशांक चंद्रहास प्रभू आणि अमरावतीची शुभांगी संदीप ठाकूर यांनी १०० पर्सेंटाईल मिळवून अव्वल स्थान पटकावले.
एससी प्रवर्गात चंद्रपूरचे मयूर कुशाब उराडे (९९.९८), एसटी प्रवर्गात परभणीचे दर्शन राजेश धानजकर (९९.७३), ओबीसी प्रवर्गात नाशिकचे साहील बाळासाहेब गाजरे (१००), एसबीसी प्रवर्गात साताऱ्याची अनुजा अविनाश भागवत (९९.९६), तर एसइबीसी प्रवर्गात साताऱ्याचे नितेश नवनाथ कदम (९९.९०) यांनी सर्वोच्च पर्सेंटाईल मिळविला.
डीटी/व्हीजे प्रवर्गात अमरावतीचे सिद्धांत प्रदीपसिंग परदेशी (९९.९९), एनटी-१ (बी) प्रवर्गात जळगावचे नितीन रवींद्र मोरे (९९.९०), एनटी-२ (सी) प्रवर्गात लातूरचे वेदांत बब्रुवहान सोनटक्के (९९.९१) आणि एनटी-३ (डी) प्रवर्गात नाशिकचे आदित्य दिलीप काकड (९९.९१) यांनी आपल्या प्रवर्गात सर्वोच्च स्थान मिळविले.
सीईटी कक्षाने स्पष्ट केले की, एमबीए-एमएमएस अभ्यासक्रमासाठीची केंद्रीय प्रवेश प्रक्रिया (CAP) लवकरच सुरू करण्यात येणार असून त्याबाबतचे वेळापत्रक स्वतंत्रपणे जाहीर करण्यात येईल.
पर्सेंटाईल आणि टक्केवारीतील फरक
सीईटीचा निकाल हा पर्सेंटाईल स्वरूपात जाहीर केला जातो. टक्केवारी म्हणजे विद्यार्थ्याला एकूण गुणांपैकी मिळालेल्या गुणांचे प्रमाण, तर पर्सेंटाईल हे इतर विद्यार्थ्यांच्या तुलनेत उमेदवाराचे स्थान दर्शविते. त्यामुळे प्रवेश प्रक्रियेमध्ये पर्सेंटाईलला अधिक महत्त्व असते. सीईटी कक्षाने विद्यार्थ्यांना निकाल पाहताना टक्केवारीऐवजी पर्सेंटाईलचा विचार करण्याचे आवाहन केले आहे.
