जेईई ॲडव्हान्स्ड परीक्षेत शुभम कुमार अव्वल, तर मुलींमध्ये आरोही देशपांडेने पटकावले स्थान

एज्युवार्ता न्यूज नेटवर्क 

इंडियन इन्स्टिट्यूट ऑफ टेक्नॉलॉजी रुरकीने (IIT Roorkee) आज, १ जून रोजी जेईई ॲडव्हान्स्ड (JEE Advanced) परीक्षेचा निकाल जाहीर (Results Announced) केला. या परीक्षेत शुभम कुमार याने प्रथम (Shubham Kumar first) स्थान पटकावले आहे. तो अखिल भारतीय रँक मध्ये पहिला आला आहे. तर मुलींमध्ये आरोही देशपांडे हिने स्थान पटकावले आहे. हा निकाल jeeadv.ac.in या अधिकृत वेबसाइटवर ऑनलाइन जाहीर करण्यात आला. परीक्षा दिलेल्या विद्यार्थ्यांना वेबसाइटला भेट देऊन त्यांचा निकाल आणि गुणपत्रक डाउनलोड करता येईल. 

आयआयटी दिल्ली झोनच्या शुभम कुमारने जेईई ॲडव्हान्स्ड २०२६ परीक्षेत अव्वल स्थान मिळवत अखिल भारतीय स्तरावर प्रथम क्रमांक (ऑल इंडिया रँक १) पटकावला आहे. त्याने ३६० पैकी ३३० गुण (सीआरएल १) मिळवून ही कामगिरी केली आहे. जेईई ॲडव्हान्स्ड परीक्षेत एकूण ५६ हजार ८८० विद्यार्थी उत्तीर्ण झाले, त्यापैकी १० हजार १०७ मुली आहेत. या मुलींमध्ये, दिल्ली विभागातील विद्यार्थिनी आरोही देशपांडे हिने राष्ट्रीय परीक्षेत अव्वल स्थान पटकावले. तिने ३६० पैकी २८० गुण (सीआरएल ७७) मिळवून ही कामगिरी केली. 

यावर्षी JEE Advanced साठी एकूण १ लाख ८७ हजार ३८९ विद्यार्थ्यांनी नोंदणी केली होती. यांपैकी १ लाख ७९ हजार ६९४ विद्यार्थ्यांनी परीक्षा दिली आणि ५६ हजार ८८० विद्यार्थी पात्र ठरले. यांपैकी ४६ हजार ७७३ पुरुष विद्यार्थी, तर १० हजार १०७ महिला विद्यार्थी आहेत. JEE Advanced आणि अंतिम उत्तरपत्रिका अधिकृत वेबसाइट jeeadv.ac.in वर प्रसिद्ध करण्यात आल्या आहेत. तुम्ही थेट साइटला भेट देऊन स्कोअरकार्ड आणि अंतिम उत्तरपत्रिका डाउनलोड करू शकता.

JEE Advanced 2026 चा निकाल जाहीर झाल्याने विद्यार्थ्यांसाठी महत्त्वाची प्रवेश प्रक्रिया सुरू झाली आहे. यशस्वी उमेदवार आता JoSAA Counseling 2026 च्या माध्यमातून IITs, NITs, IIITs आणि इतर सरकारी तांत्रिक संस्थांमध्ये प्रवेशासाठी अर्ज करू शकतील. यामुळे विद्यार्थ्यांना योग्य कॉलेज आणि योग्य शाखा निवडण्याची संधी मिळेल.