'एलएलबी'ची उद्या अंतिम गुणवत्ता यादी जाहीर होणार..

एज्युवार्ता न्यूज नेटवर्क

राज्य सामायिक प्रवेश परीक्षा (State Common Entrance Test) कक्षातर्फे तीन वर्ष 'एलएलबी' अभ्यासक्रमाच्या (3 year 'LLB' course) प्रवेश प्रक्रियेची अंतिम गुणवत्ता यादी उद्या शनिवार २ ऑगस्ट रोजी (Final merit list on Sunday 2nd August) प्रसिद्ध होणार आहे. त्यानंतर विद्यार्थी ३ ते ५ ऑगस्ट या कालावधीत पहिल्या व दुसऱ्या फेरीसाठी कॉलेजचे प्राधान्यक्रम निवडू शकतील. त्याचवेळी पाच वर्षीय अभ्यासक्रमासाठी महाविद्यालय प्राधान्यक्रम भरणे सुरू राहणार आहे. तीन कॅप राउंड व चौथा इन्स्टिट्यूट लेवल राउंड होणार आहे.

तीन वर्ष LLB अभ्यासक्रम प्रवेशाचे वेळापत्रक सीईटी सेलकडून जाहीर

'सीईटी' सेलने प्रसिद्ध केलेल्या वेळापत्रकानुसार तीन वर्षीय अभ्यासक्रमासाठी पहिल्या फेरीसाठी पसंतीक्रम निवडलेल्या विद्यार्थ्यांना ८ ऑगस्ट रोजी कॉलेज अलॉट केले जाईल. त्यानंतर ११ ते १३ ऑगस्ट या कालावधीत विद्यार्थ्यांना कॉलेजमध्ये जाऊन आपला प्रवेश निश्चित करायचा आहे. दुसऱ्या फेरीसाठी रिक्त जागांची माहिती १४ ऑगस्ट रोजी प्रसिद्ध होईल. १९ ऑगस्ट रोजी कॉलेज अलॉट होतील. २० ते २२ ऑगस्ट या कालावधीत प्रवेश निश्चित होतील. तिसऱ्या फेरीसाठी आणि इन्स्टिट्यूट लेवल राउंडसाठी विद्यार्थ्यांना ३ ते २७ ऑगस्ट या कालावधीत नोंदणी करता येईल.

तिसऱ्या फेरीसाठी २३ ऑगस्ट रोजी रिक्त जागा प्रसिद्ध होतील. १४ ते २७ ऑगस्ट दरम्यान अर्जात बदल व कॉलेज प्राधान्यक्रम देता येईल. ३० ऑगस्ट रोजी तिसऱ्या फेरीची अल्फाबेट मेरिट लिस्ट प्रसिद्ध केली जाईल. १ ते ३ सप्टेंबर या कालावधीत विद्यार्थी अर्जामध्ये दुरुस्ती करू शकतील. ७ सप्टेंबर रोजी तिसऱ्या फेरीसाठी अंतिम गुणवत्ता यादी जाहीर होईल. ९ सप्टेंबर रोजी कॉलेज अलॉट केले जातील. विद्यार्थी १० ते १३ सप्टेंबर या कालावधीत प्रत्यक्षात कॉलेजमध्ये जाऊन प्रवेश घेऊ शकतील. संस्था स्तरावरील प्रवेश प्रक्रिया १५ ते २५ सप्टेंबर या कालावधीत राबवली जाईल.