तीन वर्ष LLB अभ्यासक्रम प्रवेशाचे वेळापत्रक सीईटी सेलकडून जाहीर
सीईटी सेलने प्रसिद्ध केलेल्या वेळापत्रकानुसार पहिल्या फेरीसाठी पसंतीक्रम निवडलेल्या विद्यार्थ्यांना 8 ऑगस्ट रोजी कॉलेज अलॉट केले जाणार आहेत. विद्यार्थी 11 ते 13 ऑगस्ट या कालावधीत प्रत्यक्षात संबंधित कॉलेजमध्ये जाऊन आपला प्रवेश निश्चित करू शकतात.
eduvarta@gmail.com 
एज्युवार्ता न्यूज नेटवर्क
राज्य सामायिक प्रवेश परीक्षा कक्षातर्फे (State Common Entrance Test Hall)तीन वर्ष एलएलबी (three year LLB course)अभ्यासक्रमाच्या प्रवेश प्रक्रियेचे वेळापत्रक जाहीर करण्यात आले आहे. विद्यार्थ्यांना येत्या 31 जुलैपर्यंत अल्फाबेट फॉर्ममध्ये बदल करता येणार आहे. त्यानंतर 2 ऑगस्ट रोजी अंतिम गुणवत्ता यादी प्रसिद्ध केली जाणार आहे. विद्यार्थी 3 ते 5 ऑगस्ट या कालावधीत पहिल्या व दुसऱ्या फेरीसाठी कॉलेजचे पसंतीक्रम निवडू शकतात. विधी अभ्यासक्रमासाठी तीन कॅप राऊंड व चौथा इन्स्टिट्यूट लेवल राऊंड होणार आहे.
सीईटी सेलने प्रसिद्ध केलेल्या वेळापत्रकानुसार पहिल्या फेरीसाठी पसंतीक्रम निवडलेल्या विद्यार्थ्यांना 8 ऑगस्ट रोजी कॉलेज अलॉट केले जाणार आहेत. विद्यार्थी 11 ते 13 ऑगस्ट या कालावधीत प्रत्यक्षात संबंधित कॉलेजमध्ये जाऊन आपला प्रवेश निश्चित करू शकतात. दुसऱ्या फेरीसाठी रिक्त जागांची माहिती 14 ऑगस्ट रोजी प्रसिद्ध केले जाणार आहे. दुसऱ्या फेरीसाठी अर्ज केलेल्या विद्यार्थ्यांना 19 ऑगस्ट रोजी कॉलेज अलॉट केले जातील. विद्यार्थी 20 ते 22 ऑगस्ट या कालावधीत मिळालेल्या कॉलेजमध्ये जाऊन प्रवेश निश्चित करू शकतील.
तिसऱ्या फेरीसाठी आणि इन्स्टिट्यूट लेवल राऊंडसाठी विद्यार्थ्यांना 3 ऑगस्ट ते 27 ऑगस्ट या कालावधीत नोंदणी करता येईल. तिसऱ्या फेरीसाठी 23 ऑगस्ट रोजी रिक्त जागांची माहिती प्रसिद्ध केली जाईल. 14 ऑगस्ट ते 27 ऑगस्ट या कालावधीत ज्या विद्यार्थ्यांना आपल्या अर्जामध्ये बदल करावयाचा आहे. तसेच कॉलेज ऑप्शन निवडायचे आहे, अशा विद्यार्थ्यांना या कालावधीत ऑप्शन निवडता येईल. 30 ऑगस्ट रोजी तिसऱ्या फेरीची अल्फाबेट मेरिट लिस्ट प्रसिद्ध केली जाईल. 1 ते 3 सप्टेंबर या कालावधीत विद्यार्थी अर्जामध्ये दुरुस्ती करू शकतील किंवा कागदपत्र अपलोड करू शकतात. सात सप्टेंबर रोजी तिसऱ्या फेरीसाठी अंतिम गुणवत्ता यादी जाहीर होईल. 9 सप्टेंबर रोजी तिसऱ्या फेरीसाठी कॉलेज अलॉट केले जातील. विद्यार्थी 10 ते 13 सप्टेंबर या कालावधीत प्रत्यक्षात कॉलेजमध्ये जाऊन प्रवेश घेऊ शकतील. संस्था स्तरावरील प्रवेश प्रक्रिया 15 सप्टेंबर ते 25 सप्टेंबर या कालावधीत राबवली जाईल.
