CET Cell : एलएलबी ३ वर्षे परीक्षेचा निकाल उद्या जाहीर होणार; अधिकृत माहिती प्रसिद्ध
यापूर्वी, निकाल १७ जून रोजी अपेक्षित होता, परंतू आता तारीख बदलून २० जून जाहीर करण्यात आली आहे. ३ वर्षांच्या एलएलबी अभ्यासक्रमाची प्रवेश परीक्षा महाराष्ट्र आणि इतर काही राज्यांमध्ये ३ आणि ४ मे रोजी पाच सत्रांमध्ये घेण्यात आली होती. गेल्या दीड महिन्यापासून लाखो विद्यार्थी या निकालाची प्रतीक्षा करती होते.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य सामायिक प्रवेश परीक्षा (Maharashtra State Common Entrance Test) कक्षामार्फत एलएलबी ३ वर्षे प्रवेशासाठी (LLB 3 years CET Exam) घेण्यात आलेल्या सीईटी परीक्षेचा निकाल उद्या २० जून रोजी जाहीर (Exam results tomorrow, June 20th) केला जाईल, अशी अधिकृत माहिती प्रसिद्ध करण्यात आली आहे. निकाल प्रसिद्ध झाल्यानंतर विद्यार्थी त्यांचे गुण अधिकृत वेबसाइट cetcell.mahacet.org वर तपासू शकतात.
यापूर्वी, निकाल १७ जून रोजी अपेक्षित होता, परंतू आता तारीख बदलून २० जून जाहीर करण्यात आली आहे. ३ वर्षांच्या एलएलबी अभ्यासक्रमाची प्रवेश परीक्षा महाराष्ट्र आणि इतर काही राज्यांमध्ये ३ आणि ४ मे रोजी पाच सत्रांमध्ये घेण्यात आली होती. गेल्या दीड महिन्यापासून लाखो विद्यार्थी या निकालाची प्रतीक्षा करती होते.
निकाल जाहीर झाल्यानंतर, सीएपी नोंदणी (केंद्रीकृत प्रवेश प्रक्रिया) सुरू होईल. विद्यार्थी लॉगिन करून समुपदेशनासाठी त्यांच्या पसंतीचे महाविद्यालय निवडू शकतील. विद्यार्थ्यांच्या रँक आणि पसंतीनुसार जागा वाटप केल्या जातील. या अभ्यासक्रमासाठी राज्यात एकूण १६ हजार २४० जागा उपलब्ध आहेत.
निकालात विद्यार्थ्याचे नाव, जन्मतारीख, पालकांचे नाव, श्रेणी, मिळालेले गुण आणि एकूण रँक अशी महत्त्वाची माहिती दिसेल. ही परीक्षा एकूण १२० गुणांची होती. प्रत्येक बरोबर उत्तरासाठी विद्यार्थ्यांना १ गुण मिळाला आणि वगळलेल्या प्रश्नांसाठी कोणतेही निगेटिव्ह मार्किंग आकारण्यात आलेली नव्हती.
