JEE, NEET, NET 2024 : परीक्षांच्या तारखा जाहीर, एका क्लिकवर पाहा वेळापत्रक
'एनटीए'कडून दरवर्षी काही महिने आधीच प्रमुख परीक्षांचे वेळापत्रक जाहीर केले जाते. या सर्व परीक्षा एनटीएकडून देशभरात घेतल्या जातात.
eduvarta@gmail.com 
एज्युवार्ता न्यूज नेटवर्क
राष्ट्रीय परीक्षा एजन्सीकडून (NTA) पुढील वर्षी होणाऱ्या विविध प्रवेश परीक्षांचे वेळापत्रक जाहीर करण्यात आले आहे. देशभरातील विद्यार्थ्यांना प्रामुख्याने अभियांत्रिकी (Engineering) व वैद्यकीय (Medical) अभ्यासक्रमांमध्ये प्रवेशासाठीच्या संयुक्त पुर्व परीक्षा (JEE Main) व राष्ट्रीय पात्रता प्रवेश चाचणीच्या (NEET UG) परीक्षांची उत्सुकता असते.
'एनटीए'कडून दरवर्षी काही महिने आधीच प्रमुख परीक्षांचे वेळापत्रक जाहीर केले जाते. या सर्व परीक्षा एनटीएकडून देशभरात घेतल्या जातात. देशातील अभियांत्रिकी महाविद्यालये आयआयटीमध्ये प्रवेशासाठी जेईई परीक्षेला खूप महत्व आहे. या परीक्षा संगणक आधारीत असतात. वेळापत्रकानुसार जेईई परीक्षेचा पहिला टप्पा २४ जानेवारी ते १ फेब्रुवारी तर दुसरा १ एप्रिल ते १५ एप्रिल या कालावधीत होणार आहे.
#होय_पेटवतोय_मी_महाराष्ट्र! विद्यार्थ्यांसाठी रोहित पवार मैदानात, उद्या उपोषण
नीट परीक्षा पाच मे रोजी नियोजित आहे. देशातील केंद्रीय विद्यापीठांमधील पदवी अभ्यासक्रमांमध्ये प्रवेशासाठी घेण्यात येणाऱ्या संयुक्त विद्यापीठ प्रवेश परीक्षा (CUET UG) दि. १५ ते ३१ मे दरम्यान होईल. तर पदव्युत्तर पदवी अभ्यासक्रमांसाठीची (CUET PG) परीक्षा दि. ११ ते २८ मार्च या कालावधी घेण्यात येणार आहे. एनटीएकडून युजीसी नेट (UGC NET) परीक्षेचे वेळापत्रकही जाहीर करण्यात आले आहे. ही परीक्षा १० ते २१ या दरम्यान होणार आहे.
परीक्षांविषयीची सविस्तर माहिती नोंदणी प्रक्रिया सुरू करताना प्रसिध्द केली जाईल. संगणक आधारीत सर्व परीक्षांचे निकाल परीक्षा झाल्यानंतर पुढील तीन आठवड्यांमध्ये जाहीर केले जाणार आहेत. तर नीट परीक्षेचा निकाल जून महिन्याच्या दुसऱ्या आठवड्यात जाहीर केला जाईल.
परीक्षांविषयी अधिक माहितीसाठी - https://nta.ac.in/
शैक्षणिक बातम्यांचे अपडेट मिळविण्यासाठी व्हॉट्सअप ग्रुपमध्ये सहभागी व्हा.
