JEE Mains Exam 2026 : कागदपत्रे तयार ठेवा; NTA च्या विद्यार्थ्यांना सूचना
जानेवारीत होणाऱ्या या परीक्षेसाठीची नोंदणी प्रक्रिया अद्यापही सुरू झाली नसल्याने विद्यार्थ्यांमध्ये काहीसा संभ्रम होता. मात्र, आता या सूचनांमुळे परीक्षांच्या हालचालींना वेग आल्याचे दिसून येत आहे. त्यामुळे जेईई-मेन्स २०२६च्या जानेवार सत्राच्या परीक्षेसाठी ऑनलाइन अर्ज नोंदणी प्रक्रिया ऑक्टोबरच्या शेवटच्या आठवड्यात सुरू होणार असल्याचे संकेत 'एनटीए'ने दिले आहेत.
eduvarta@gmail.com 
एज्युवार्ता न्यूज नेटवर्क
अभियांत्रिकी, आयआयटीसह इतर क्षेत्रात राष्ट्रीय स्तरावरील अभियांत्रिकी संस्थांमध्ये प्रवेशासाठी घेतली जाणारी जेईई-मेन्स २०२६ (JEE-Mains 2026) मध्ये जानेवारी आणि एप्रिल आयोजित करण्यात आली आहे. त्यासाठी अर्ज नोंदणी करण्याची प्रक्रिया या महिन्याच्या शेवटच्या आठवड्यात सुरू होणार आहे. त्यापूर्वी राष्ट्रीय परीक्षा एजन्सीने (NTA) विद्यार्थ्यांना सर्व कागदपत्रे तयार ठेवण्याच्या सूचना (Instructions for keeping all documents ready) दिल्या आहेत. अर्ज नोंदणी सुरू झाल्यानंतर विद्यार्थ्यांची धावपळ होऊ नये, यासाठी या सूचना जाहीर करण्यात आल्याचे सांगितले आहे.
टाटा इन्स्टिट्यूटमध्ये पी.एचडी. करणे झाले सोपे; या उमेदवारांना संधी
देशातील लाखो विद्यार्थ्यांचे लक्ष असलेल्या जेईई-मेन्सच्या परीक्षेचे वेळापत्रक यापूर्वीच 'एनटीए'ने जाहीर केले. त्यानुसार ही परीक्षा जानेवारी २०२६ आणि एप्रिल २०२६ अशा दोन सत्रांमध्ये घेण्यात येणार आहे. वेळापत्रक जाहीर झाले असले तरी, जानेवारीत होणाऱ्या या परीक्षेसाठीची नोंदणी प्रक्रिया अद्यापही सुरू झाली नसल्याने विद्यार्थ्यांमध्ये काहीसा संभ्रम होता. मात्र, आता या सूचनांमुळे परीक्षांच्या हालचालींना वेग आल्याचे दिसून येत आहे. त्यामुळे जेईई-मेन्स २०२६च्या जानेवार सत्राच्या परीक्षेसाठी ऑनलाइन अर्ज नोंदणी प्रक्रिया ऑक्टोबरच्या शेवटच्या आठवड्यात सुरू होणार असल्याचे संकेत 'एनटीए'ने दिले आहेत.
या परीक्षेच्या अर्ज नोंदणीसाठीची आवश्यक लिंक https://jeemain.nta.nic.in या संकेतस्थळावर उपलब्ध करून देण्यात येणार असल्याचे 'एनटीए'कडून जाहीर करण्यात आले आहे. परीक्षेसाठी इच्छुक विद्यार्थ्यांनी संयुक्त प्रवेश परीक्षा-२०२६ संदर्भातील अधिक माहिती आणि सूचनांसाठी नियमितपणे अधिकृत संकेतस्थळ www.nta.ac.in आणि https://jeemain.nta.nic.in/ ला भेट देण्याचा सल्ला देण्यात आला आहे.
विद्यार्थ्यांनी जेईई-मेन्स २०२६साठी अर्ज करण्यापूर्वी आधार कार्डमधील नाव, जन्मतारीख (दहावीच्या प्रमाणपत्रानुसार), नवीन छायाचित्र, पत्ता आणि वडिलांचे नाव अद्ययावत करून ठेवावे. त्याचबरोबर दिव्यांग विद्यार्थ्यांनी त्यांच्या यूडीआयडी कार्डची वैधता तपासून घ्यावी. आवश्यकतेनुसार त्याचे अद्ययावतीकरण नूतनीकरण करून ईडब्ल्यूएस/एससी/एसटी/ओबीसी-एनसीएल किंवा घ्यावे. या आरक्षणाचा लाभ घेणाऱ्या विद्यार्थ्यांचे श्रेणी प्रमाणपत्र अद्ययावत व वैध असणे आवश्यक असल्याने त्यांनी ते अद्ययावत करून घ्यावे, अशा सूचना देण्यात आल्या आहेत. यामुळे प्रवेश प्रक्रियेच्या कोणत्याही टप्प्यामध्ये विद्यार्थ्यांना तांत्रिक अडचणींना सामोरे जावे लागणार नसल्याचे 'एनटीए'ने म्हटले आहे.
