पीएचडीच्या विद्यार्थ्यांना आयसीएसएसआर डॉक्टरल फेलोशिप
या फेलोशिपसाठी अर्ज करण्यासाठी 2 ऑगस्ट ते 3 सप्टेंबरपर्यंत मुदत देण्यात आली आहे.ऑनलाइन अर्जाची हार्ड कॉपी जमा करण्यासाठी 10 सप्टेंबरपर्यंत मुदत आहे.
eduvarta@gmail.com 
एज्युवार्ता न्यूज नेटवर्क
इंडियन कौन्सिल ऑफ सोशल सायन्स रिसर्च (ICSSR)संस्थेतर्फे डॉक्टरल फेलोशिप 2024 (Doctoral Fellowship 2024)साठी अर्ज मागविण्यात आले आहेत. पीएचडीचे विद्यार्थी (PhD students)या फेलोशिपसाठी अर्ज करू शकतात. फेलोशिपच्या अधिक माहितीसाठी विद्यार्थी https://icssr.org/doctoral-fellowship या संकेतस्थळावर जाऊन अधिक माहिती घेऊ शकतात.
आयसीएसएसआर डॉक्टर फेलोशिपच्या माध्यमातून विद्यार्थ्यांना संशोधन करण्याची मोठी संधी उपलब्ध झाली आहे. विद्यार्थ्यांनी गुणवत्तापूर्ण व समाज व मानवाच्या उन्नतीच्या दृष्टीने संशोधन करावे, या उद्देशाने ही फेलोशिप दिली जाते. विद्यार्थ्यांकडून नाविन्यपूर्ण कल्पनांच्या माध्यमातून तसेच देशाच्या विकासाला आणि धोरण ठरवण्यासाठी आवश्यक असणारे संशोधन व्हावे, हा या मागचा हेतू आहे. फेलोशिपसाठी अर्ज करण्यासाठी 2 ऑगस्ट ते 3 सप्टेंबरपर्यंत मुदत देण्यात आली आहे.ऑनलाइन अर्जाची हार्ड कॉपी जमा करण्यासाठी 10 सप्टेंबरपर्यंत मुदत आहे.
यूजीसी मान्यताप्राप्त विद्यापीठांमध्ये, अभिमत विद्यापीठांमध्ये किंवा मान्यताप्राप्त संशोधन संस्थांमध्ये पीएचडीसाठी नोंदणी झालेल्या वय वर्ष 40 च्या आतील विद्यार्थ्यांना या फेलोशिपसाठी अर्ज करता येईल.
