शिक्षकांसाठी खूशखबर:टप्पा अनुदानासाठी निधी मंजूर; निर्णय येत्या १ ऑगस्टपासून लागू
राज्यातील 6 हजार 75 शाळा व 9 हजार 631 तुकड्यांवरील एकूण 49 हजार 562 शिक्षकांना वेतन अनुदानाचा पुढील टप्पा अनुदय करण्यात आला आहे. तसेच 2 हजार 714 शिक्षक व शिक्षकेतर कर्मचाऱ्यांना नव्याने वीस टक्के अनुदान देण्यात येणार आहे.
Eduvarta
एज्युवार्ता न्यूज नेटवर्क
राज्यातील खाजगी विनाअनुदानित व अंशतः अनुदानित शाळा व तुकड्या व त्यावरील कार्यरत शिक्षक व शिक्षकेतर कर्मचारी यांना येत्या १ ऑगस्टपासून वेतन अनुदानाचा पुढील टप्पा (Next phase of grant) अदा करण्यासाठी आवश्यक असलेल्या निधीस मंत्रिमंडळात मंजुरी देण्यात आली. यासंदर्भात राज्याचे शालेय शिक्षण मंत्री दादा भुसे (School Education Minister Dada Bhuse)यांनी शुक्रवारी विधानसभेत निवेदन दिले.त्यामुळे आंदोलनकर्त्या शिक्षकांच्या मागणीला अखेर यश आले आहे. या वेतनासाठी दरवर्षी ९७० कोटी ४२ लाख एवढा खर्च होणार आहे,असेही दादा भुसे यांनी स्पष्ट केले.
रज्यातील विविध शाळांमधील शिक्षकांनी टप्पा अनुदानाच्या मागणीसाठी मोठे आंदोलन उभे केले होते.या आंदोलनास अनेक विरोधी पक्ष व सत्ताधारी पक्षाच्या नेत्यामनी भेटी दिल्या होत्या. अखेर गुरुवारी (दि१७) झालेल्या मंत्रिमंडळाच्या बैठकीमध्ये टप्पा अनुदानासाठी निधी देण्याच्या निर्णयाला मंजुरी देण्यात आली.
11th Admission:अकरावी प्रवेशाचा सावळा गोंधळ; 8 लाख 73 हजार विद्यार्थी प्रवेशाच्या प्रतीक्षेत
दादा भुसे म्हणाले, राज्यातील 6 हजार 75 शाळा व 9 हजार 631 तुकड्यांवरील एकूण 49 हजार 562 शिक्षकांना वेतन अनुदानाचा पुढील टप्पा अनुदय करण्यात आलेला आहे. तसेच 2 हजार 714 शिक्षक व शिक्षकेतर कर्मचाऱ्यांना नव्याने वीस टक्के अनुदान येणार आहे. सदर वेतन अनुदान येत्या १ ऑगस्ट 2025 पासून लागू होणार आहे. या वेतन अनुदाना करिता व त्याकरिता येणारा अतिरिक्त खर्च रुपये 970 कोटी 42 लाख येणार आहे.
व्हिडिओ पाहा :
View this post on Instagram
