बीबीए, बीसीए आणि बीएमएस अभ्यासक्रमाच्या मुलींनाही मिळणार स्कॉलरशिप; AICTE चा पुढाकार

एज्युवार्ता न्यूज नेटवर्क  

सरकार (Govt) अभियांत्रिकीनंतर (Engineering) आता व्यवस्थापन (Management) आणि कॉम्प्युटर ॲप्लिकेशन (Computer Application) क्षेत्रातही मुलींचा सहभाग वाढवणार आहे (Increase the participation of girls). याही क्षेत्रात मुलींचा सहभाग आणि कल वाढवण्यासाठी त्यांना शिष्यवृत्ती (scholarship) देऊन मदत केली जाणार आहे. या दृष्टीने बीबीए(BBA), बीसीए(BCA) आणि बीएमएस (BMS) या अभ्यासक्रमातील आर्थिकदृष्ट्या दुर्बल घटकातील गुणवंत विद्यार्थिनींना (Meritorious students from economically weaker sections) शिष्यवृत्ती सुरु करण्यात येणार आहे. या योजनेवर वर्षाला 7.5 कोटी रुपये खर्च केले जाणार आहेत.

ऑल इंडिया कौन्सिल फॉर टेक्निकल एज्युकेशन (AICTE) च्या वरिष्ठ अधिकाऱ्याच्या म्हणण्यानुसार, शैक्षणिक सत्र 2024-25 पासून, BBA, BCA आणि BMS अभ्यासक्रमांचे प्रवेश देखील AICTE अंतर्गत केले जाणार आहेत.

 एआयसीटीई प्रथमच आगामी सत्रापासून बीबीए, बीसीए आणि बीएमएस अभ्यासक्रम शिकवण्यास मान्यता देत आहे. आतापर्यंत हे तीन कार्यक्रम शिकवण्यास विद्यापीठ अनुदान आयोगाकडून (UGC) मान्यता मिळाली होती, त्यामुळे AICTE संलग्न महाविद्यालयातील विद्यार्थिनींना या शिष्यवृत्तीचा लाभ मिळणार आहे.

अभियांत्रिकीच्या अतिरिक्त जागा आणि शिष्यवृत्ती उपलब्ध झाल्यामुळे मुलींची संख्या लक्षणीय वाढली आहे. यासाठीच आता व्यवस्थापन आणि कॉम्प्युटर ॲप्लिकेशन क्षेत्रात मुलींचा सहभाग वाढवण्यावर भर दिला जाणार आहे.  सत्र 2024 पासून आर्थिकदृष्ट्या दुर्बल घटकांतील बीबीए, बीसीए आणि बीएमएसच्या 3 हजारांहून अधिक गुणवंत विद्यार्थिनींना शिष्यवृत्ती देण्यात येणार आहे. यामध्ये त्यांना वार्षिक २५ हजार रुपये दिले जाणार आहेत.

दरम्यान, अभियांत्रिकी क्षेत्रातील विविध योजनांमुळे मुलींच्या संख्येत सातत्याने सुधारणा होत आहे. 2019 मध्ये मुलींची संख्या 29 टक्के होती. हा आकडा 2020 मध्ये 30 टक्के आणि 2021 मध्ये 36 टक्क्यांवर पोहोचला. गेल्या दोन वर्षांत मुलींच्या संख्येत चांगली वाढ झाली आहे. सन 2022 मध्ये, अभियांत्रिकी डिप्लोमामध्ये 29 टक्के आणि अभियांत्रिकी UG  या अभ्यासक्रमामध्ये मुलींच्या संख्येत  40 टक्क्यांपर्यंत वाढ झाली आहे.