आदिवासी उमेदवारांना MPSCतर्फे घेतल्या जाणाऱ्या परीक्षांसाठी मोफत प्रशिक्षणाची संधी
या उपक्रमांतर्गत नामांकित खासगी व्यावसायिक प्रशिक्षण संस्थेमार्फत अनिवासी पद्धतीने प्रशिक्षण दिले जाणार असून, अर्ज प्रक्रिया पूर्णतः ऑनलाइन पद्धतीनेच होणार आहे. इच्छुक उमेदवारांनी अधिक माहितीसाठी व अर्जासाठी संस्थेच्या अधिकृत संकेतस्थळाला (http://trti.maharashtra.gov.in) भेट देणे आवश्यक आहे. अर्ज करण्याची मुदत १४ ऑक्टोबरपर्यंत देण्यात आली आहे.
Eduvarta
एज्युवार्त न्यूज नेटवर्क
राज्यातील आदिवासी विद्यार्थ्यांसाठी आदिवासी संशोधन व प्रशिक्षण संस्था (Tribal Research and Training Institute), पुणे यांच्या वतीने महाराष्ट्र लोकसेवा आयोगाच्या (Maharashtra Public Service Commission Competitive Exam) परीक्षांसाठी मोफत प्रशिक्षणाची संधी उपलब्ध करून दिली जाणार आहे. राज्यातील अनुसूचित जमातींच्या ४०० उमेदवारांना एमपीएससीमार्फत घेतल्या जाणाऱ्या पीएसआय, एसटीआय, एएसओ (PSI, STI, ASO Exams) यांसारख्या अन्य पदांच्या परीक्षेसाठी मोफत पूर्व प्रशिक्षणाची संधी उपलब्ध करून दिली जाणार असल्याचे आयुक्त कार्यालयाने म्हटले आहे.
वारे गुरुजींच्या शाळेचा जगात डंगा, जालिंदर नगरच्या शाळेला 'बेस्ट ऑफ द बेस्ट' पुरस्कार जाहीर..
या उपक्रमांतर्गत नामांकित खासगी व्यावसायिक प्रशिक्षण संस्थेमार्फत अनिवासी पद्धतीने प्रशिक्षण दिले जाणार असून, अर्ज प्रक्रिया पूर्णतः ऑनलाइन पद्धतीनेच होणार आहे. इच्छुक उमेदवारांनी अधिक माहितीसाठी व अर्जासाठी संस्थेच्या अधिकृत संकेतस्थळाला (http://trti.maharashtra.gov.in) भेट देणे आवश्यक आहे. अर्ज करण्याची मुदत १४ ऑक्टोबरपर्यंत देण्यात आली आहे.
या प्रशिक्षणासाठी उमेदवारांची निवड राज्य सामायिक प्रवेश परीक्षा कक्षामार्फत गुणांकन पद्धतीने करण्यात येणार आहे. शैक्षणिक अर्हता आणि सीईटीमधील गुणांच्या आधारे अंतिम निवड केली जाईल. या प्रक्रियेवरील अंतिम अधिकार आयुक्त, आदिवासी संशोधन व प्रशिक्षण संस्था, पुणे यांच्याकडे असतील, असे या सूचनापत्रात म्हटले आहे.
