केंद्रीय विद्यालय प्रवेशासाठी बनावट वेबसाइट; पालकांची फसवणूक

एज्युवार्ता न्यूज नेटवर्क 

राज्यातील सरकारी शाळांचा शैक्षणिक दर्जा खालावल्याने आणि खाजगी शाळांच्या अव्वाच्या सवा फीसमुळे पालकांनी आपला मोर्चा केंद्रीय विद्यालयांच्या शाळामध्ये (Kendriya Vidyalaya Sangtan School) प्रवेश घेण्याकडे वळवला आहे. मात्र, केंद्रीय विद्यालयात प्रवेश घेणाऱ्या पालकांची काही समाज कंटकांकडून फसवणूक (Parents cheated for admission) होण्याची शक्यता वर्तवण्यात आली आहे. त्या पद्धतीने काही सारखी वाटणारी संकेतस्थळे निर्माण करण्यात आली आहेत. त्या पार्श्वभूमीवर केंद्रीय विद्यालय संघटनेकडून (Kendriya Vidyalaya Sanghatan) पालकांना सावध राहण्याच्या दृष्टीने सार्वजनिक सूचनापत्र प्रसिद्ध (Public notice published) करण्यात आले आहे. 

केंद्रीय विद्यालय संघटना (भारत सरकारच्या शिक्षण मंत्रालयाच्या अंतर्गत एक स्वायत्त संस्था) चा kvsadmission.in आणि kvsangathan.in या बनावट संकेतस्थळांचा कोणताही संबंध नाही. सामान्य जनतेने अशा बनावट वेबसाइट्स आणि या वेबसाइट्सवर उपलब्ध असलेल्या माहितीबद्दल सावधगिरी बाळगावी असे या सूचनापत्रात म्हटले आहे. 

त्यांचा केंद्रीय विद्यालय संघटनेशी कोणताही संबंध नाही. अशा बेईमान घटकांशी व्यवहार करणारी कोणतीही व्यक्ती स्वतःच्या जोखमीवर आणि खर्चावर अशा गोष्टीस पाठीशी घालेन. या प्रकरणात, केंद्रीय विद्यालय संघटना कोणत्याही प्रकारे त्याच्या परिणामांसाठी जबाबदार राहणार नाही, असे स्पष्ट करण्यात आले आहे. 

भारतातील विविध राज्यांमध्ये १ हजार २५३ केंद्रीय विद्यालये आहेत. केंद्रीय विद्यालयाच्या इतर ३ देशांमध्येही ३ शाखा आहेत. केंद्रीय विद्यालयाच्या इयत्ता पहिलीमध्ये प्रवेश लॉटरी पद्धतीने केला जातो. केंद्रीय विद्यालय केवळ चांगल्या दर्जाच्या शिक्षणासाठीच ओळखले जात नाही तर कमी शुल्कासाठी देखील ओळखले जाते.