शिष्यवृत्ती नोंदणीसाठी शाळांना आठ दिवसांची मुदत; समाजकल्याण विभाग ॲक्शन मोडवर

एज्युवार्ता न्यूज नेटवर्क 

अनुसूचित जाती प्रवर्गातील विद्यार्थ्यांना मॅट्रिकपूर्व शिष्यवृत्ती (Schedule Caste Pre-Matric Scholarship) दिली जाते. शैक्षणिक वर्ष २०२४-२५ (Academic year 2024-25) वर्षापासून ही योजना ऑनलाईन करण्यात आली आहे. मात्र, अनेक शाळा याबाबतीत उदासीन असल्याचे लक्षात आल्यानंतर आता समाजकल्याण विभाग ॲक्शन मोडवर (Social Welfare Department on action mode) आला आहे. या संदर्भात संबंधित गटशिक्षण अधिकाऱ्यांना जिल्हा स्तरावरून नोटिसा देण्यात आल्या आहेत. जवळपास ५० टक्के शाळांचे काम पूर्ण झाले आहे. उर्वरित शाळांना आता आठवडाभराची डेडलाईन (A week-long deadline for schools) देण्यात आली आहे.

मॅट्रिकपूर्व शिष्यवृत्ती पूर्वी ऑफलाईन पद्धतीने दिली जात होती. परंतु, चालू वर्षात ही योजना ऑनलाईन करण्यात आली आहे. यासाठी शाळांनी महाडीबीटी पोर्टलवर नोंदणी करणे बंधनकारक आहे. या योजनेचे हजारो विद्यार्थी लाभार्थी आहेत. असे असताना काही शाळांकडून महाडीबीटी पोर्टल नोंदणीकडे दुर्लक्ष केले जात आहे.

आजच्या घडीला ५० टक्के नोंदणीचे काम पूर्ण केले आहे. उर्वरित काम पूर्ण करण्यासाठी आठवडाभराची मुदत शाळांना देण्यात आली आहे. मॅट्रिकपूर्व शिष्यवृत्ती देण्यासाठी शाळांनी महाडीबीटी पोर्टलवर सुमारे ९६४ शाळांनी नोंदणीच केलेली नाही. आता संबंधित शाळांना आठवडाभराची मुदत देण्यात आली आहे.