जिल्ह्यातील शाळांमध्ये 'पुणे मॉडेल स्कूल' उपक्रम राबवण्याचा उपमुख्यमंत्र्यांचे आदेश

एज्युवार्ता न्यूज नेटवर्क

जिल्ह्यातील 303 शाळांमध्ये पुणे मॉडेल स्कूल (Pune Model School) अर्थात आदर्श शाळांचा उपक्रम (Activities) राबवण्याचे आदेश राज्याचे उपमुख्यमंत्री अजित पवार (Deputy Chief Minister Ajit Pawar) यांनी दिला आहे. त्यांच्या अध्यक्षतेखाली गुरुवारी पुण्यात विधानभवन (Legislative Assembly in Pune) या ठिकाणी जिल्हा नियोजन समितीची बैठक (District Planning Committee Meeting) पार पडली याप्रसंगी ते बोलत होते.

या उपक्रमांतर्गत प्रत्येक तालुक्यातील केंद्र शाळा स्तरावर मोठ्या शाळेचा भौतिक तसेच दर्जात्मक विकास करण्यात येणार आहे. भौतिक सुविधांसोबतच शिक्षणाचा दर्जा कसा वाढेल याकडे लक्ष द्यावे.  पुणे व पिंपरी चिंचवड महानगरपालिकांनीही आपल्या शाळांचा अशा पद्धतीने विकास करण्याचा आराखडा तयार करून सादर करावा.

त्याचबरोबर या शाळांचा दर्जात्मक विकास करण्यासाठी जिल्हा नियोजन समितीतून निधी दिला जाईल त्याशिवाय खाजगी कंपन्यांकडून सामाजिक उत्तरदायित्व निधी व शासकीय स्वयंसेवी संस्थांनाही सहभागी करून घेता येईल,असे राज्याचे उपमुख्यमंत्री पवार यांनी म्हटलं आहे.

दरम्यान, जिल्ह्यात राबवायच्या कोणत्याही विकास योजनांसाठी केंद्र सरकारचा अधिकाधिक निधी आणण्यासाठी अधिकाऱ्यांनी प्रयत्न करावा अशा सूचनाही आजी पवार यांनी दिल्या आहेत. याप्रसंगी उच्च व तंत्र शिक्षणमंत्री चंद्रकांत पाटील, क्रीडा व युवक कल्याण मंत्री दत्तात्रय भरणे, नगर विकास राज्यमंत्री माधुरी मिसाळ, विधान परिषदेच्या उपसभापती डॉ. नीलम गोऱ्हे, खासदार डॉ. मेहता कुलकर्णी, खासदार सुनेत्रा पवार, खासदार सुप्रिया सुळे यांच्यासह शहर जिल्ह्यातील सर्व आमदार आणि दोन्ही महापालिकांचे वरिष्ठ अधिकारी उपस्थित होते.