CET CEll : 'DPN/PHN आणि नर्सिंग'च्या नोंदणीसाठी ४ एप्रिलपर्यंत मुदतवाढ 

एज्युवार्ता न्यूज नेटवर्क 

राज्य सामाईक प्रवेश परीक्षा (State Common Entrance Test) कक्षातर्फे शैक्षणिक वर्ष २०२६-२७ साठी घेतल्या जाणाऱ्या बीएस्सी नर्सिंग आणि जनरल नर्सिंग अँड मिडवायफरी (जीएनएम), डिप्लोमा इन सायकॅट्रिक (डीपीएन) आणि पब्लिक हेल्थ नर्सिंग (पीएचएन) या अभ्यासक्रमाच्या (DPN/PHN and Nursing Courses) सीईटीसाठीच्या प्रवेश नोंदणीस ४ एप्रिल २०२६ पर्यंत मुदतवाढ (Registration Deadline Extended Until April 4) देण्यात आली आहे. 

यंदा बी. एस्सी नर्सिंग अभ्यासक्रमास ४६ हजार ४५० विद्यार्थ्यांनी आतापर्यंत नोंदणी केली आहे. या अभ्यासक्रमाची प्रवेश परीक्षा ६ आणि ७ मे, २०२६ रोजी होणार आहे. तर डीपीएन आणि पीएचएन या अभ्यासक्रमास यंदा विद्यार्थ्यांचा अल्प प्रमाणात प्रतिसाद मिळत आहे. त्यांमुळे ही अंतिम मुदतवाढ देण्यात आली आहे. या अभ्यासक्रमाची प्रवेश परीक्षा ५ मे, २०२६ रोजी होणार आहे.

या परीक्षेसाठी ऑनलाईन अर्ज, नोंदणी वेळापत्रक आणि माहिती पुस्तिका राज्य सामाईक प्रवेश परीक्षा कक्षाच्या www.mahacet.org या अधिकृत संकेतस्थळावर उपलब्ध करून देण्यात आली आहे. या अभ्यासक्रमांसाठीची सीईटी परीक्षा महाराष्ट्र राज्यातील विविध परीक्षा केंद्रांवर संगणकाधारित पद्धतीने ऑनलाईन घेतल्या जातील.

CET सेलने हे देखील स्पष्ट केले आहे की, नोंदणीसाठी APAAR ID आवश्यक आहे. ज्या उमेदवारांकडे APAAR ID नाही, त्यांना DigiLocker द्वारे तो तयार करावा लागेल. APAAR ID शिवाय MH CET नोंदणी पूर्ण होऊ शकत नाही.