सेंट्रल बँक ऑफ इंडियामध्ये भरती प्रक्रिया सुरू

या भरतीसाठी ऑनलाइन परीक्षा 14 डिसेंबर रोजी होणार आहे, तर मुलाखती जानेवारी 2025 मध्ये घेतल्या जातील. या भरती प्रक्रियेद्वारे सेंट्रल बँक ऑफ इंडियामध्ये व्यवस्थापकाची एकूण 253 पदे भरली जातील.

Nov 23, 2024 - 11:11 Updated: Nov 23, 2024 - 12:28

सेंट्रल बँक ऑफ इंडियामध्ये भरती प्रक्रिया सुरू

एज्युवार्ता न्यूज नेटवर्क

बँकेत नोकरी करायची असेल तर तुमच्यासाठी एक आनंदाची बातमी आहे. सेंट्रल बँक ऑफ इंडियाने (Central Bank of India) विविध विभागांमध्ये व्यवस्थापकांच्या अनेक पदांच्या भरतीसाठी अर्ज मागवले आहेत. (Applications are invited for recruitment of several posts of managers in various departments) इच्छुक आणि पात्र उमेदवार बँकेच्या Centralbankofindia.co.in या अधिकृत वेबसाईटवर जाऊन अर्ज करू शकतात.

अधिकृत अधिसूचनेनुसार,अर्ज करण्याची अंतिम तारीख ३ डिसेंबर आहे. या भरतीसाठी ऑनलाइन परीक्षा 14 डिसेंबर रोजी होणार आहे, तर मुलाखती जानेवारी 2025 मध्ये घेतल्या जातील. या भरती प्रक्रियेद्वारे सेंट्रल बँक ऑफ इंडियामध्ये व्यवस्थापकाची एकूण 253 पदे भरली जातील.

या पदांसाठी अर्ज करण्यासाठी सर्वप्रथम, सेंट्रल बँक ऑफ इंडियाच्या centerbankofindia.co.in या अधिकृत वेबसाइटवर जा. त्यानंतर रिक्रूटमेंट टॅबवर जा आणि ‘सेंट्रल बँक ऑफ इंडिया मॅनेजर रिक्रूटमेंट’ वर क्लिक करा. त्यानंतर अर्जाची प्रक्रिया सुरू ठेवा आणि सर्व तपशील योग्यरित्या भरा.आता अर्जाची फी जमा करा. त्यानंतर फॉर्म सबमिट करा आणि भविष्यातील गरजांसाठी त्याची प्रिंटआउट घ्या.

अनुसूचित जाती (SC), अनुसूचित जमाती (ST), PWBD प्रवर्गातील उमेदवार आणि महिलांना या पदांसाठी अर्ज करण्यासाठी 175 रुपये अर्ज शुल्क भरावे लागेल, तर इतर सर्व श्रेणीतील उमेदवारांना 850 रुपये अर्ज शुल्क भरावे लागतील. डेबिट कार्ड (Rupay, Visa, MasterCard, Maestro), क्रेडिट कार्ड, इंटरनेट बँकिंग, IMPS किंवा कॅश कार्ड/मोबाइल वॉलेटद्वारे फी भरली जाऊ शकते.