थांबा CUET UG परीक्षेचे हॉल तिकिट करू नका डाउनलोड
उमेदवारांनी मंगळवारी 14 मे च्या संध्याकाळनंतरच त्यांचे प्रवेशपत्र डाउनलोड करावे. कारण तुमच्या CUET परीक्षा केंद्रात काही कारणास्तव शेवटच्या क्षणी बदल होऊ शकतो.
Eduvarta
एज्युवार्ता न्यूज नेटवर्क
कॉमन युनिव्हर्सिटी एंट्रन्स टेस्ट (CUET) परीक्षेला बसणाऱ्या विद्यार्थ्यांसाठी खूप महत्वाची माहिती समोर आली आहे. नॅशनल टेस्टिंग एजन्सी (NTA) ने CUET परीक्षा 2024 च्या एक दिवस आधी नवीन सूचना जारी केल्या आहेत. उद्या म्हणजेच 15 मे पासून परीक्षा सुरु होणार आहेत. NTA ने परीक्षेचे हॉल तिकिट प्रसिद्ध करण्यात आले आहेत, पण ते हॉल तिकिट (Hall Ticket)इतक्यात डाउनलोड करू नका असा सल्ला NTA ने दिला आहे.
NTA ने प्रसिद्ध केलेल्या नोटीसनुसार , उमेदवारांनी मंगळवारी 14 मे च्या संध्याकाळनंतरच त्यांचे प्रवेशपत्र डाउनलोड करावे. कारण तुमच्या CUET परीक्षा केंद्रात काही कारणास्तव शेवटच्या क्षणी बदल होऊ शकतो. असे झाल्यास, तुम्हाला अद्ययावत प्रवेशपत्र मिळू शकेल.' परीक्षेला बसणाऱ्या उमेदवारांची प्रवेशपत्रे cuet-ug@nta.ac.in या वेबसाइटवर उपलब्ध आहेत.
उमेदवार त्यांचा अर्ज क्रमांक आणि जन्मतारीख वापरून या वेबसाइटवरून CUET UG Admit Card 2024 डाउनलोड लिंकवरून त्यांचे प्रवेशपत्र डाउनलोड करू शकतात. प्रवेशपत्र डाउनलोड करताना कोणतीही समस्या किंवा त्रुटी असल्यास, विद्यार्थी CUET NTA हेल्पलाइन क्रमांक 011-40759000 वर कॉल करून मदत घेऊ शकतात . उमेदवार cuetug@nta.ac.in वर ईमेल करून NTA हेल्प डेस्कशी देखील संपर्क साधू शकतात.
