CET Cell : तांत्रिक अडचणींमुळे 'बीएड'ची परीक्षा पुन्हा होणार, सीईटी सेलची अधिकृत माहिती
परभणी शहरातील एमआयडीसी भागातील एमजीएम महाविद्यालय येथील परीक्षा केंद्रावर काल शुक्रवारी २७ मार्च रोजी सकाळपासून प्रचंड गोंधळ उडाला आहे. या केंद्रावर अचानक झालेल्या शॉर्टसर्किटमुळे अनेक संगणक बंद पडल्याने विद्यार्थ्यांनी संताप व्यक्त केला होता.
eduvarta@gmail.com 
एज्युवार्ता न्यूज नेटवर्क
राज्य सामायिक प्रवेश परीक्षा कक्षामार्फत (State Common Entrance Test) शैक्षणिक वर्षे २०२६-२७ (Academic Year 2026-27) साठी घेतल्या जाणाऱ्या या अभ्यासक्रमाच्या परीक्षेला (BEd Course Exam) २७ मार्चपासून सुरुवात झाली आहे. मात्र, काल नियोजित असलेली एमजीएम अॅकादमी परभणी, गुलजार एज्युकेशन सोसायटी संचलित मराठवाडा ऑनलाइन एक्झाम सेंटर नांदेड, वैनगंगा काॅलेज ऑफ इंजिनि्रिंग अँड मॅनेजमेंट डोंगरगाव, नागपूर या तीन नियुक्त केलेल्या परीक्षा केंद्रावरील परीक्षा तांत्रिक कारणास्तव रद्द करण्यात असून सदर केंद्रावरील सीईटी परीक्षा पुनर्नियोजित (CET exam rescheduled) करण्यात येणार असल्याची अधिकृत माहिती सीईटी सेलकडून देण्यात आली आहे. या निर्णयामुळे सदरील परीक्षा केंद्रावरील विद्यार्थ्यांना मोठा दिलासा मिळाला आहे.
दरम्यान, याबाबत संबंधित विद्यार्थ्यांना नवीन परीक्षा केंद्र व परीक्षेची वेळ त्यांच्या नोंदणीकृत ईमेल व मोबाईलवर कळवण्यात येईल. तसेच परीक्षार्थिंना सुधारित प्रवेशपत्र त्यांच्या लाॅगिन आयडीवर उपलब्ध करून दिले जाणार असून त्यांना तिथून ते डाउनलोड करता येणार आहे. तसेच सुधारित प्रवेशपत्रावर दिलेल्या तारखेस परीक्षा केंद्रावर उपस्थित राहाण्याचे आवाहन, सीईटी सेलकडून करण्यात आले आहे.
परभणी शहरातील एमआयडीसी भागातील एमजीएम महाविद्यालय येथील परीक्षा केंद्रावर काल शुक्रवारी २७ मार्च रोजी सकाळपासून प्रचंड गोंधळ उडाला आहे. या केंद्रावर अचानक झालेल्या शॉर्टसर्किटमुळे अनेक संगणक बंद पडल्याने विद्यार्थ्यांनी संताप व्यक्त केला होता. परिणामी, परीक्षेसाठी आलेल्या शेकडो विद्यार्थ्यांना तासनतास ताटकळत उभे राहावे लागले असून, प्रशासनाच्या नियोजनशून्य कारभारामुळे विद्यार्थ्यांमध्ये संतापाची लाट उसळली होती.
परीक्षेतील या गैरसोयीची माहिती मिळताच प्राध्यापक विठ्ठल कांगणे यांच्यासह विविध संघटनांच्या पदाधिकाऱ्यांनी केंद्रावर धाव घेतली. त्यांनी विद्यार्थी आणि महाविद्यालय प्रशासनाशी संवाद साधून तोडगा काढण्याचा प्रयत्न केला. त्यानंतर सीईटी सेलकडून संबंधित परीक्षा केंद्रावरील विद्यार्थ्यांची पुन्हा घेण्याचे सूचनापत्र जाहीर केले.
