C DAC कडून मोठी भरती सुरू, अभियांत्रिकी उमेदवारांना करता येणार अर्ज
भियांत्रिकी क्षेत्रात शिक्षण घेतलेल्या विद्यार्थ्यांना या भरती प्रक्रियेचा अर्ज भरता येणार आहे. डिझाईन इंजिनियर पदासाठी कार्य करण्यास इच्छुक असाल तर या भरतीचा तुम्ही लाभ घेऊ शकता. डिझाईन इंजिनियर तसेच सीनियर डिझाईन इंजिनियर या पदांसाठी रिक्त असणाऱ्या जागा भरण्यासाठी या भरतीला सुरुवात करण्यात आली आहे.
eduvarta@gmail.com 
एज्युवार्ता न्यूज नेटवर्क
सरकारी नोकरीच्या शोधात असलेल्या उमेदवारांसाठी महत्वाची बातमी समोर आली आहे C DAC मध्ये विविध पदांसाठी (C DAC Recruitment) भरतीला सुरुवात करण्यात आली आहे. अभियांत्रिकी क्षेत्रात शिक्षण घेतलेल्या विद्यार्थ्यांना या भरती प्रक्रियेचा अर्ज भरता येणार आहे. डिझाईन इंजिनियर पदासाठी कार्य करण्यास इच्छुक असाल तर या भरतीचा तुम्ही लाभ घेऊ शकता. डिझाईन इंजिनियर तसेच सीनियर डिझाईन इंजिनियर या पदांसाठी रिक्त असणाऱ्या जागा भरण्यासाठी या भरतीला सुरुवात करण्यात आली आहे. या भरतीच्या माध्यमातून २८० उमेदवारांना रिक्त जागांवर नियुक्त (Recruitment for 280 posts) केले जाऊ शकते. अर्ज करण्याची अंतिम मुदत ३१ जुलै पर्यंत (Deadline is July 31st) देण्यात आली आहे.
इच्छुक आणि पात्र उमेदवारांना सीडीएसी चे अधिकृत संकेतस्थळ cdac.in वर जाऊन अर्ज भरता येणार आहे. अभियांत्रिकी सह टेक्निकल मॅनेजर तसेच सीनियर टेक्निकल मॅनेजर पदासाठी उमेदवार अर्ज करू शकतात. बीई किंवा बी टेक झालेले उमेदवार या भरतीसाठी पात्र आहेत. अर्ज करताना उमेदवारांकडून कोणत्याही प्रकारचे अर्ज शुल्क आकारण्यात येणार नाही. अर्ज अगदी निशुल्क करता येणार आहे.
मासिक पाळीचे रक्त सांडल्याने, मुलींचे कपडे काढून शाळेतच केली तपासणी
अॅडव्हान्स्ड कॉम्प्युटिंग रिसर्च (एसीआर) प्रकल्पांतर्गत, डिझाईन इंजिनिअरच्या २०३ पदांसाठी, सिनियर डिझाइन इंजिनिअरच्या ६७ पदांसाठी, प्रिन्सिपल डिझाइन इंजिनिअरच्या ५ पदांसाठी, टेक्निकल मॅनेजरच्या ३ पदांसाठी, सिनियर टेक्निकल मॅनेजर आणि चीफ टेक्निकल मॅनेजरच्या १ पदासाठी भरती प्रक्रिया राबवली जाईल.अर्ज करण्यासाठी, उमेदवारांनी यूजीसी मान्यताप्राप्त संस्थेतून इलेक्ट्रॉनिक्स, संगणक विज्ञान, माहिती तंत्रज्ञान इत्यादी विषयांमध्ये किमान ६०% गुणांसह बीई किंवा बीटेक पदवी प्राप्त केलेली असावी. याशिवाय, उमेदवारांनी संबंधित विषयात पीजी डिप्लोमा देखील प्राप्त केलेला असावा.
अशाप्रकारे करता येईल अर्ज
उमेदवाराने सर्वप्रमथम cdac.in अधिकृत संकेतस्थळावर जावे. तिथे असलेल्या होम पेजवर देण्यात आलेल्या अर्ज लिंक वर क्लिक करा. त्यानंतर प्रथम रजिस्ट्रेसन करून घ्यावे. त्यानंतर लॉगिन करून अर्ज भरून पूर्ण करावा. अर्ज सबमिट करण्यापूर्वी पुन्हा एकदा काळजीपूर्वक संपूर्ण वाचावा. काही त्रुटी असतील तर त्या दुर करा. शेवटी आपला अर्ज सबमिट करून त्याची प्रिंट काढून घ्यावी. तसेच भविष्यातील गरजेसाठी त्या फॉर्मची एखादी प्रत स्वतःजवळ काढून ठेवा.
