C-TET परीक्षेचे अर्ज भरण्यास सुरुवात; परीक्षा 8 फेब्रुवारीला
टीईटी परीक्षेनंतर सी-टीईटी परीक्षा घेतली जात आहे. 27 नोव्हेंबर पासून 18 डिसेंबर 2025 पर्यंत इच्छुक उमेदवारांना अर्ज भरता येणार आहेत.
eduvarta@gmail.com 
एज्युवार्ता न्यूज नेटवर्क
राज्य परीक्षा परिषदेच्या माध्यमातून शिक्षक पात्रता परीक्षा अर्थात टीईटी परीक्षा नुकतीच घेण्यात आले. त्यानंतर आता केंद्रीय माध्यमिक शिक्षण मंडळ अर्थात सीबीएसईतर्फे सेंट्रल टीचर एलिजिबिलिटी टेस्ट (Central Teacher Eligibility Test-CTET) येत्या 8 फेब्रुवारी 2026 रोजी घेतली जाणार आहे. या परीक्षेसाठी अर्ज भरण्यास सुरुवात झाली असून इच्छुक उमेदवार 18 डिसेंबरपर्यंत अर्ज भरू शकतात.
सर्वोच्च न्यायालयाच्या निर्णयामुळे महाराष्ट्रासह देशभरातील सर्व शिक्षकांना टीईटी परीक्षा उत्तीर्ण होण्याचे बंधन घातले गेले आहे. त्यामुळे राज्यात नुकत्याच झालेल्या टीईटी परीक्षेसाठी प्रविष्ट होणाऱ्या उमेदवारांची संख्या वाढली. आता टीईटी परीक्षेनंतर सी-टीईटी परीक्षा घेतली जात आहे. 27 नोव्हेंबर पासून 18 डिसेंबर 2025 पर्यंत इच्छुक उमेदवारांना अर्ज भरता येणार आहेत.
सीटीईटी परीक्षा देशभरातील विविध प्रमुख शहरांमध्ये आयोजित केली जाते. सर्वसाधारण संवर्गातील उमेदवारांना पेपर 1 साठी 1000 रुपये तर दोन्ही पेपर साठी 1 हजार 200 रुपये एवढे शुल्क आहे. एस.सी. एस.टी. संवर्गातील उमेदवारांसाठी पेपर 1 साठी पाचशे रुपये तर दोन्ही पेपरसाठी 600 रुपये शुल्क आहे.उमेदवार https://ctet.nic.in या संकेतस्थळावर जाऊन उमेदवार ऑनलाईन अर्ज व शुल्क भरू शकतात. सीटीईटीचा दुसरा पेपर सकाळी साडेनऊ ते बारा या वेळेत घेतला जाणार आहे.तर पेपर क्रमांक 1 दुपारी अडीच ते पाच या कालावधीत घेतला जाणार आहे.
