मोठी कारवाई: पदोन्नतीसाठी 3 लाखाची लाच घेणारे शिक्षण विभागाचे तिघे ACB च्या जाळ्यात

एज्युवार्ता न्यूज नेटवर्क 

शालार्थ आयडी घोटाळ्याने शिक्षण विभागातील अनेक अधिकारी व कर्मचारी यांच्यावर निलंबनाची कारवाई झालेली असताना आता शिक्षकांच्या पदोन्नतीसाठी लाच मागणाऱ्या पुणे जिल्हा परिषदेतील तीन अधिकारी व कर्मचाऱ्यांवर लाचलुचपत प्रतिबंधक विभागाने कारवाई करून अटक केली आहे. तब्बल तीन लाख रुपयांची लाच घेतल्याप्रकरणी ही कारवाई करण्यात आली आहे.

जिल्हा परिषदेमध्ये शिक्षण सेवक म्हणून नोकरीस असलेल्या एका शिक्षकाकडे शिक्षण सेवक पदावरून उपशिक्षक पदावर पदोन्नतीसाठी गटशिक्षण अधिकारी पंचायत समिती वेल्हे यांच्यामार्फत पदोन्नतीचा प्रस्ताव शिक्षण विभागात पाठवण्यात येणार होता. या प्रस्तावाच्या अनुषंगाने तक्रारदार शिक्षकाने जिल्हा परिषद पुणे येथील शिक्षण विभागाचे अधीक्षक राजेश खंदारे यांची भेट घेतली होती. शिक्षण सेवक पदावरून उपशिक्षक पदावर पदोन्नती देताना जात वैधता प्रमाणपत्र नसले तरी अधिसंख्य पदावर वर्ग करून घेतो व इतर सेवा विषय व सेवानिवृत्ती विषयक लाभ मिळवून देतो, त्यासाठी खंदारे यांनी तक्रारदार शिक्षकाकडे तब्बल तीन लाख रुपयांची लाच मागितली. याच कार्यालयातील अनिल रंधवे आणि अतिश शिंदे यांनी सुद्धा या प्रकरणातील प्रस्तावाबाबत लाच मागीतल्याचे समोर आले.

तक्रारदार शिक्षकाने 6 जानेवारी 2026 रोजी या संदर्भात तक्रार दिली होती. त्या अनुषंगाने 11 फेब्रुवारी 2026 रोजी लाज मागणी पडताळणी कारवाईदरम्यान खंदारे व रंधवे यांनी तक्रारदाराच्या कामासाठी तीन लाख रुपयांची मागणी केल्याचे आणि यापूर्वी 25 हजार रुपये लाच स्वीकारल्याचे मान्य करून उर्वरित दोन लाख 75 हजार रुपयांच्या आलाच याची मागणी केल्याचे निष्पन्न झाले. त्यावर 6 एप्रिल रोजी सापळा रचून अनिल रंधवे व त्यांचे सहकारी अतिश शिंदे या दोघांनी दोन लाख 75 हजार रुपये लाज स्वीकारली. हडपसर येथील बी टी कवडे रोड समोरील एवेन्यू मॉल जवळ संबंधितांना रंग हात पकडण्यात आले. तीनही आरोपींना ताब्यात घेण्यात आली असून वानवडी पोलीस ठाण्यात लाचलुचपत प्रतिबंधक कायद्याअंतर्गत गुन्हा नोंद करण्यात आला आहे.