इलेक्ट्रिकल इंजिनीअरिंगमध्ये आता AI आणि मशीन लर्निंगचाही अभ्यास
या संदर्भात एक मॉडेल अभ्यासक्रमही जारी केला आहे. या संदर्भात नुकत्याच स्थापन करण्यात आलेल्या तज्ज्ञ समितीच्या शिफारशीनुसार अभ्यासक्रमात ही सुधारणा करण्यात आली आहे. इलेक्ट्रिकल अभियांत्रिकी क्षेत्रातील उत्कृष्टता आणि नवोपक्रमाला चालना देण्याच्या उद्देशाने हा बदल करण्यात आला आहे.
eduvarta@gmail.com 
एज्युवार्ता न्यूज नेटवर्क
जागतिक स्तरावर अभियांत्रिकी आणि तंत्रज्ञान क्षेत्रात झपाट्याने होत असलेल्या बदलांच्या पार्श्वभूमीवर ऑल इंडिया कौन्सिल फॉर टेक्निकल एज्युकेशन (All India Council for Technical Education) AICTE ने इलेक्ट्रिकल इंजिनीअरिंगमधील BE आणि B.Tech या अभ्यासक्रमांमध्ये मोठे बदल करण्याचा निर्णय घेतला आहे. याअंतर्गत विद्यार्थ्यांना आता एआय आणि मशीन लर्निंग या विषयांचाही अभ्यास करता येणार आहे. (BE, B.Tech students from electrical engineering will also study ai and machine learning) आतापर्यंत हे विषय फक्त संगणकशास्त्रात बीई-बीटेक करणाऱ्या विद्यार्थ्यांनाच शिकवले जात होते.
AICTE चे अध्यक्ष डॉ. टी. जी. सीताराम यांनी याविषयी माहिती देताना संगितले की, "या संदर्भात एक मॉडेल अभ्यासक्रमही जारी केला आहे. या संदर्भात नुकत्याच स्थापन करण्यात आलेल्या तज्ज्ञ समितीच्या शिफारशीनुसार अभ्यासक्रमात ही सुधारणा करण्यात आली आहे. इलेक्ट्रिकल अभियांत्रिकी क्षेत्रातील उत्कृष्टता आणि नवोपक्रमाला चालना देण्याच्या उद्देशाने हा बदल करण्यात आला आहे."
या कोर्सचा उद्देश सक्षम अभियंते तयार करणे समाज आणि उद्योगात बदल घडवून आणणारे नेतृत्व तयार करणे हा आहे. या अभ्यासक्रमात विद्यार्थ्यांच्या शिक्षणावर जास्तीत जास्त भर दिला जातो. ज्यामध्ये त्यांना उद्योगांशी जोडून प्रशिक्षण, क्षेत्र भेटी आणि इंटर्नशिपच्या संधी मिळतील, ज्यामुळे त्यांना उद्योगातील खऱ्या आव्हानांना तोंड देण्यासाठी आणि सोडवण्यासाठी तयार होईल, असेही सीताराम म्हणाले.
