धक्कादायक! बीबीएच्या विद्यार्थ्याला महापालिकेच्या भरधाव कचरा गाडीने चिरडले
ओमकार हा महाविद्यालयातील हुशार विद्यार्थी होता. त्याचा या दुर्देवी निधनामुळे त्याचा मित्रपरिवार आणि महाविद्यालयाकडून शोक व्यक्त करण्यात आला. खनसे कुटुंब मूळचे पैठण येथील असून सध्या व्यवसायानिमित्त वाळूज येथे स्थायी होते.
eduvarta@gmail.com 
एज्युवार्ता न्यूज नेटवर्क
छत्रपती संभाजीनगर शहरातील (Chhatrapati Sambhajinagar News) बारापुल्ला गेट परिसरातून एक अत्यंत धक्कादायक घटना समोर आली आहे. परीक्षा देऊन घरी परतणाऱ्या एका विद्यार्थ्याला महापालिकेच्या भरधाव कचरा गाडीने चिरडल्याने विद्यार्थ्याचा (Student Run Over) जागीच दुर्दैवी मृत्यू (Student's Death) झाला. ओमकार खनसे (वय वर्षे २०, रा. बजाज नगर) (Student Omkar Khanse) असे या अपघातात मृत्यू पावलेल्या विद्यार्थ्याचे नाव आहे. या घटनेमुळे संपूर्ण शहरात हळहळ व्यक्त केली जात असून, नागरिकांकडून रस्ते सुरक्षेबाबत प्रश्न उपस्थित केले जात आहेत.
मिळालेल्या माहितीनुसार, ओमकार हा संभाजीनगर शहरातील नामांकित एसबी महाविद्यालयात 'बीबीए'चे शिक्षण घेत होता. कॉलेज संपवून तो बारापुल्ला गेट परिसरातून जात असताना मनपाच्या कचरा गाडीने त्याला पाठीमागून जोराची धडक दिली. ही धडक इतकी भीषण होती की, ओमकारचा जागीच मृत्यू झाला. ओमकार हा महाविद्यालयातील हुशार विद्यार्थी होता. त्याचा या दुर्देवी निधनामुळे त्याचा मित्रपरिवार आणि महाविद्यालयाकडून शोक व्यक्त करण्यात आला. खनसे कुटुंब मूळचे पैठण येथील असून सध्या व्यवसायानिमित्त वाळूज येथे स्थायी होते.
छावणी पोलिसांनी घटनेचा पंचनामा करून ओमकारचा मृतदेह उत्तरीय तपासणीसाठी घाटी रुग्णालयात पाठवला. अपघातानंतर पोलिसांनी कचरा गाडीच्या चालकाला ताब्यात घेतले असून, त्याच्यावर निष्काळजीपणे गाडी चालवून मृत्यूस कारणीभूत ठरल्याप्रकरणी गुन्हा दाखल केला आहे. या प्रकरणाचा अधिक तपास पोलीस उपनिरीक्षक आणि त्यांचे पथक करत आहेत.
