असिस्टंट लोको पायलट भरती परीक्षेची सिटी स्लिप प्रसिद्ध, हॉल तिकीट लवकरच प्रसिध्द होणार
परीक्षेला बसलेले उमेदवार अधिकृत वेबसाइटवर जावून प्रवेशपत्र डाउनलोड करू शकतात. परीक्षेचे हॉल तिकीट परीक्षेच्या चार दिवस आधी प्रसिद्ध केले जाते. त्यानुसार ते देखील लवकरच प्रसिद्ध करण्यात येणार आहे.
eduvarta@gmail.com 
एज्युवार्ता न्यूज नेटवर्क
रेल्वे असिस्टंट लोको पायलट भरती (Railway Assistant Loco Pilot Recruitment) परीक्षेसाठी अर्ज करणाऱ्या उमेदवारांसाठी ही महत्त्वाची अपडेट समोर आली आहे. LP भरतीसाठी परीक्षा सिटी स्लिप (Exam city slip released) 16 नोव्हेंबर 2024 रोजी प्रसिद्ध झाली आहे. परीक्षेला बसलेले उमेदवार अधिकृत वेबसाइटवर जावून हॉल तिकीट डाउनलोड करू शकतात. परीक्षेचे हॉल तिकीट परीक्षेच्या चार दिवस आधी प्रसिद्ध केले जाते. त्यानुसार ते देखील लवकरच प्रसिद्ध करण्यात येणार आहे.
रेल्वे भरती बोर्ड (RRB) द्वारे ALP पदांच्या भरतीसाठी 25 ते 29 नोव्हेंबर दरम्यान परीक्षा घेतली जाईल. अधिकृत सूचनेनुसार, परीक्षेच्या शहराची माहिती देण्यासाठी दहा दिवस अगोदर परीक्षा सिटी स्लिप प्रसिद्ध केली जाते. त्यानुसार आज सिटी स्लिप प्रसिद्ध करण्यात आली आहेत. या भरतीद्वारे, असिस्टंट लोको पायलटच्या एकूण 18 हजार 799 जागा भरल्या जाणार आहेत. त्यामुळे देशभरातून लाखो उमेदवार या भरती प्रक्रियेमध्ये सहभागी झाले आहेत.
निवड प्रक्रिया
RRB ALP पदांसाठी उमेदवारांची निवड करण्यासाठी विविध टप्प्यांत परीक्षा घेतली जाईल. त्यानुसार पहिल्या टप्प्यात CBT 1 आणि CBT 2 परीक्षा घेण्यात येणार आहेत. यानंतर, इतर फेऱ्या घेतल्या जातील, ज्यामध्ये डीव्ही राऊंड आणि वैद्यकीय फेरीचा समावेश आहे.
