Airport Authority Of India: ९० पदांसाठी अर्ज प्रक्रिया सुरु...
स्थापत्य अभियंत्यांच्या 17 जागा, इलेक्ट्रिकल इंजिनीअर्ससाठी 20 जागा, 15 जागा संगणक विज्ञान अभियंता, मेकॅनिकल इंजिनिअर्ससाठी 8 जागा, फिटर्ससाठी 5 जागा, मेकॅनिकल मोटर वाहन तज्ञांसाठी 10 जागा, इलेक्ट्रिशियनसाठी 10 जागा आणि ड्राफ्ट्समनसाठी 5 अशा एकूण ९० रिक्त जागा भरण्यात येणार आहे.
eduvarta@gmail.com 
एज्युवार्ता न्यूज नेटवर्क
भारतीय विमानतळ प्राधिकरणाने (Airport Authority Of India) AAI ) एकूण 90 प्रशिक्षणार्थी शिकाऊ पदांसाठी अर्ज प्रक्रिया (Aplication process) सुरू केली आहे. पात्र आणि इच्छुक उमेदवार (Candidates) https://www.apprenticeshipindia.gov.in/apprenticeship/opportunity या अधिकृत वेबसाइटला भेट देऊन अर्ज करू शकतात. उमेदवारांना AAI कडे अर्ज सादर करण्याची अंतिम तारीख 20 नोव्हेंबर असणार आहे.
यामध्ये पदवीधर प्रशिक्षणार्थी (Graduate Trainee) असलेल्या उमेदवाराला 15 हजार रुपये, तांत्रिक (डिप्लोमा) शिकाऊ उमेदवाराला 12 हजार रुपये आणि ट्रेड अप्रेंटिस (ITI) 9 हजार रुपये असा स्टायपेंड दिला जाणार आहे.
अधिकृत अधिसूचनेमध्ये म्हटल्याप्रमाणे, "शिकाऊ उमेदवारांना अधिसूचित विमानतळ/आस्थापनांवर प्रशिक्षणार्थी प्रशिक्षण घ्यावे लागेल. वाटप केलेले विमानतळ/स्टेशन/युनिट अंतिम असणार आहे. प्रशिक्षणाच्या ठिकाणी कोणताही बदल केला जाणार नाही.
कोणत्या पदांसाठी किती जागा?
स्थापत्य अभियंत्यांच्या 17 जागा, इलेक्ट्रिकल इंजिनीअर्ससाठी 20 जागा, 15 जागा संगणक विज्ञान अभियंता, मेकॅनिकल इंजिनिअर्ससाठी 8 जागा, फिटर्ससाठी 5 जागा, मेकॅनिकल मोटर वाहन तज्ञांसाठी 10 जागा, इलेक्ट्रिशियनसाठी 10 जागा आणि ड्राफ्ट्समनसाठी 5 अशा एकूण ९० रिक्त जागा भरण्यात येणार आहे.
अशी असेल निवडीची पद्धत
पात्रता परीक्षेत मिळालेल्या गुणांच्या टक्केवारीच्या आधारे उमेदवारांची तात्पुरती निवड निश्चित केली जाईल. शॉर्टलिस्ट केलेल्या उमेदवारांना त्यांच्या नोंदणीकृत ई-मेल आयडीद्वारे सूचित केले जाईल आणि त्यांना मुलाखत आणि कागदपत्र पडताळणीसाठी बोलावले जाईल. अंतिम निवड मुलाखत यशस्वीरीत्या पूर्ण झाल्यानंतर आणि प्रमाणपत्रांची पडताळणी झाल्यावर केली जाईल. निवड झाल्यानंतर रुजू होताना उमेदवारांना वैद्यकीय फिटनेस प्रमाणपत्र सादर करावे लागेल.
