संस्थाचालकांच्या मनमानी 'फी' वाढीला लगाम, शिक्षणमंत्र्यांकडून नव्या नियमावलीची घोषणा
शालेय वस्तूंची खरेदी विशिष्ट दुकाने वा कंपन्यांकडूनच करण्याची सक्ती पालक, विद्यार्थ्यांना केली जाते, याबाबत प्रश्न भाजपचे अमोल जावळे यांनी केला. अशी सक्ती कोणालाही करता येणार नाही. तशी तक्रार कोणी केली तर संबंधितांवर कारवाई केली जाईल. तसेच, याबाबतची नवीन नियमावली तयार केली जाईल, असे मंत्री भुसे यांनी सांगितले.
eduvarta@gmail.com 
एज्युवार्ता न्यूज नेटवर्क
विद्यार्थी आणि पालकांसाठी एक दिलासादायक बातमी समोर आली आहे. शाळांनी विद्यार्थ्यांकडून किती शैक्षणिक शुल्क (School Educational Fees) आकारावं यावर आतापर्यंत नियम असले तरी अनेक शाळा मनमानी शुल्क वाढ करत होत्या. मात्र,आता त्याला लगाम बसणार आहे. शाळांच्या शुल्कवाढीवर नियंत्रण ठेवण्यासाठी नवीन नियमावली (New regulations) तयार केली जात असून ती लवकरच लागू केली जाईल, अशी माहिती शालेय शिक्षण मंत्री दादा भुसे (Education Minister Dada Bhuse) यांनी विधानसभेत दिली आहे.
क्रांतीज्योती सावित्रीमाई फुले राज्य शिक्षक गुणगौरव पुरस्काराच्या निकषात बदल
भिवंडी महापालिका क्षेत्रातील शेठ जुगीलाल पोतदार इंग्लिश मीडियम स्कूल आणि अण्णाभाऊ जाधव शिक्षण संस्थेच्या इतर खासगी शाळांमध्ये विद्यार्थ्यांसाठीचे मासिक शुल्क सातशेवरून सात हजार रुपये करण्यात आल्याबाबतचा प्रश्न आमदार महेश चौघुले यांनी विचारला होता. त्यावर वरूण सरदेसाई, योगेश सागर या सदस्यांनी शुल्काबाबत शाळांच्या मनमानीला चाप लावावा, अशी मागणी केली.
शालेय वस्तूंची खरेदी विशिष्ट दुकाने वा कंपन्यांकडूनच करण्याची सक्ती पालक, विद्यार्थ्यांना केली जाते, याबाबत प्रश्न भाजपचे अमोल जावळे यांनी केला. अशी सक्ती कोणालाही करता येणार नाही. तशी तक्रार कोणी केली तर संबंधितांवर कारवाई केली जाईल. तसेच, याबाबतची नवीन नियमावली तयार केली जाईल, असे मंत्री भुसे यांनी सांगितले.
