MHT-CET महाघोटाळ्याचा आरोप; सीईटी सेलच्या आयुक्तांकडून स्पष्टीकरण

 एज्युवार्ता न्यूज नेटवर्क

महाराष्ट्रात एमएचटी-सीईटी परीक्षेच्या निकालावरून राजकीय वादळ (Political storm over MHT-CET exam results) उठले आहे. नीट पेपरफुटी प्रकरणाने देशभरात खळबळ (The paper leak case has created a stir across the country) माजलेली असताना, महाराष्ट्रातील विरोधकांनी सीईटी परीक्षेत मोठा घोटाळा (Big scam in CET exam) झाल्याचे आरोप केले आहेत. काँग्रेसचे प्रवक्ते सचिन सावंत, राष्ट्रवादी काँग्रेस शरदचंद्र पवार पक्षाचे रोहित पवार आणि महादेव बालगुडे यांनी निकालात कथित गैरव्यवहार झाल्याचा दावा केला. सोशल मीडियावरही यासंबंधी विविध दावे व्हायरल होत आहेत, ज्यामुळे विद्यार्थी आणि पालकांमध्ये संभ्रमाची स्थिती (Confusion among students and parents) निर्माण झालेला असताना सीईटी सेलचे आयुक्त दिलीप सरदेसाई यांनी आज पत्रकार परिषद घेत यावर स्पष्टीकरण दिले आहे. 

सरदेसाई यांनी आरोपाचे खंडन केले असून विरोधकांचे सर्व मुद्दे खोडून काढले आहे. ते म्हणाले की, सीईटी परीक्षा पूर्णपणे पारदर्शक पद्धतीने घेतली जाते आणि दहावी-बारावी बोर्डाच्या विद्यार्थ्यांचे गुणही स्पष्टपणे दाखवले जातात. सध्या सोशल मीडियावर व्हायरल होत असलेले दावे दिशाभूल करणारे आहेत. सीईटी सेलकडे आलेल्या सर्व आक्षेपांची अंतर्गत पातळीवर सखोल तपासणी करण्यात येईल. दोन वेगवेगळ्या परीक्षांमधील कामगिरीची थेट तुलना करणे चुकीचे आहे, असेही त्यांनी नमूद केले.

सरदेसाई यांनी पर्सेंटाइल आणि पर्सेंटेज यातील फरक समजावून सांगितला. “काही विद्यार्थी बोर्डापेक्षा सीईटीला अधिक प्राधान्य देतात, त्यामुळे त्यांना सीईटीत चांगले गुण मिळू शकतात. मात्र, एखाद्या परीक्षेत चांगली कामगिरी दुसऱ्या परीक्षेतही अपेक्षित असणे योग्य नाही. पर्सेंटाइल ही त्या विशिष्ट बॅचसाठी असते. टॉपरला १०० पर्सेंटाइल मिळते, मात्र याचा अर्थ १०० टक्के गुण मिळाले असा होत नाही. रॉ स्कोअर ७०, ८० किंवा ९० टक्केही असू शकतो,” असे स्पष्टीकरण त्यांनी दिले. टक्के आणि पर्सेंटाइल यांची तुलना करणे चुकीचे असल्याचे त्यांनी सांगितले.

सीईटी सेलने या दिशाभूल करणाऱ्या दाव्यांविरोधात आझाद मैदान पोलिस ठाण्यात तक्रार दाखल केली असून, पोलिस आणि सायबर विभागाकडून सखोल चौकशी करण्याची मागणी केली आहे. आयुक्त सरदेसाई यांनी विद्यार्थी आणि पालकांना आश्वासन दिले की, परीक्षा प्रक्रिया निष्पक्ष आणि पारदर्शक राहिली आहे. सध्याच्या वादामुळे निर्माण झालेला गैरसमज दूर करण्यासाठी अधिकृत स्पष्टीकरण देण्यात आले आहे.