७ एप्रिलपासून सुरू होणाऱ्या जेईई मेन २०२५ सत्र २ परीक्षेसाठी हॉलतिकीट प्रसिद्ध

एज्युवार्ता न्यूज नेटवर्क

राष्ट्रीय चाचणी संस्थेने (NTA) ७, ८ आणि ९ एप्रिल २०२५ रोजी होणाऱ्या संयुक्त प्रवेश परीक्षा (जेईई) मुख्य २०२५ सत्र २ साठी (JEE Main 2025 Session 2) हॉलतिकीट (exam Hallticket) प्रसिद्ध केले आहे.परीक्षेसाठी नोंदणी केलेले उमेदवार https://jeemain.nta.nic.in/ या अधिकृत वेबसाइटला भेट देऊन ते डाउनलोड करू शकतात. हॉलतिकीट मिळविण्यासाठी उमेदवारांना त्यांचे लॉगिन क्रेडेन्शियल्स प्रविष्ट करावे लागतील.

असे करा हॉलतिकीट डाऊनलोड

सर्वप्रथम https://jeemain.nta.nic.in/ या अधिकृत वेबसाइटला भेट द्या. जेईई मेन हॉलतिकीटसाठी लिंक निवडा. त्यानंतर तुमचा अर्ज क्रमांक आणि जन्मतारीख प्रविष्ट करा. जेईई मेन हॉलतिकीट तुमच्या स्क्रीनवर दिसेल. भविष्यातील वापरासाठी त्याची प्रत डाउनलोड करून प्रिंट करा

हॉलतिकीट डाउनलोड करताना उमेदवारांनी प्रवेशपत्रावर क्यूआर कोड आणि बारकोड उपलब्ध आहे याची खात्री करणे देखील आवश्यक आहे. सर्व उमेदवारांनी ऑनलाइन अर्ज फॉर्ममध्ये अपलोड केलेला आणि ओळखीच्या पुराव्यासाठी हॉलतिकीटमध्ये नमूद केलेला फोटो ओळखपत्र आणावा.

जेईई मेन २०२५ सत्र २ परीक्षा वेळापत्रक

पेपर १ (बीई/बीटेक) ७ आणि ८ एप्रिल २०२५ रोजी होणार आहे. ७ एप्रिल रोजी होणारी परीक्षा सकाळी आणि संध्याकाळी अशा दोन शिफ्टमध्ये होईल. ८ एप्रिल रोजी होणारी परीक्षा दुसऱ्या शिफ्टमध्ये होईल.

पेपर २ ए (बीएआरएच) आणि पेपर २ बी (बी प्लॅनिंग) ९ एप्रिल २०२५ रोजी सकाळी ९ ते दुपारी १२ वाजेपर्यंत होईल. पेपर २ ए आणि २ बी (बीएआरएच आणि बीप्लॅनिंग) ची परीक्षा ९ एप्रिल रोजी सकाळी ९ ते दुपारी १२:३० पर्यंत होईल.

परीक्षेची पद्धत कोणती असणार?

पेपर १ : संगणक-आधारित चाचणी (सीबीटी)

पेपर २ ए : सीबीटी मोडमध्ये गणित आणि अभियोग्यता; A4 शीटवर (ऑफलाइन) रेखाचित्र चाचणी

पेपर २ बी : गणित, अभियोग्यता आणि नियोजन-आधारित प्रश्न CBT मोडमध्ये

ही परीक्षा इंग्रजी, हिंदी आणि तमिळ, बंगाली आणि उर्दू सारख्या प्रादेशिक भाषांसह 13 भाषांमध्ये घेतली जाणार आहे. उमेदवारांनी नोंदणी दरम्यान त्यांची भाषा प्राधान्य काळजीपूर्वक निवडावी, कारण नंतर बदल करण्याची परवानगी दिली जाणार नाही असे संस्थेमार्फत सांगण्यात आले आहे.