भीषण अपघात! विद्यार्थ्यांना घेऊन जाणाऱ्या 'स्कूलबस'मध्ये घुसल्या सळया, ८ विद्यार्थी जखमी

एज्युवार्ता न्यूज नेटवर्क

पुणे-सोलापूर महामार्गावर भीषण अपघात (accident on Pune-Solapur highway) झाल्याची धक्कादायक माहिती समोर आली आहे. महामार्गावरील कांबळे स्टॉपजवळ ५-६ वर्षे वयोगटातील सुमारे ६० विद्यार्थ्यांना घेऊन जाणाऱ्या एका स्कूल बसला एका वाहनाने पाठीमागून जोरदार धडक दिली आहे. त्यामुळे बसची मागील काच फुटली आणि लोखंडी सळया थेट बसमध्ये घुसल्या (Iron bars penetrated directly into the bus), ज्यामुळे ७-८ विद्यार्थी किरकोळ जखमी (7-8 students slightly injured) झाले आहेत. सुदैवाने विद्यार्थ्यांने कोणतीही गंभीर इजा झाली नाही. दुखापत झालेल्या विद्यार्थ्यांना जवळच्या रुग्णालयात दाखल करण्यात आले आहे.

शिक्षण 'यूजीसी'कडून राज्यात ९ विद्यापीठांना ऑनलाइन अभ्यासक्रम; विद्यार्थ्यांना संधी

मिळालेल्या माहितीनुसार, पुणे-सोलापूर राष्ट्रीय महामार्गावर एक दुचाकी अचानक आडवी आल्यामुळे स्कूल बसने दुचाकीला धडक दिली. त्यामुळे पाठीमागून लोखंडी सळया भरलेल्या पिकअप टेम्पोने स्कूलबसला धडक दिली. यात पिकअपमधील सळया बसच्या काचा फोडून आत शिरल्याने आठ विद्यार्थी व मदतनीस जखमी झाले. सोरतापवाडी येथे ही घटना घडली आहे. या प्रकरणी उरुळीकांचन पोलिसांत विठ्ठल रघुनाथ चौधरी ( वय ७०, रा. वडाची वाडी पेठ) या दुचाकीस्वारावर गुन्हा दाखल करण्यात आला आहे.

भांडगाव येथील शिक्षण संस्थेची स्कूलबस उरुळीकांचनच्या दिशेने जात होती. सोरतपवाडी येथे अनधिकृतपणे फोडलेल्या दुभाजकामधुन दुचाकी आडवी आल्याने स्कूलबस दुचाकीला धडकली. याच वेळी पाठीमागून लोखंडी सळ्या वाहून नेणाऱ्या पिकअपने (एम. एच. १२ एस. एफ. ५४२०) स्कूल बसला जबर धडक दिली. यामध्ये पिकअपच्या टपावर असलेल्या लोखंडी सळ्या थेट बसच्या पाठीमागील काच फोडून आत शिरल्या. बसमध्ये पहिली ते पाचवीमध्ये शिकणारे विद्यार्थी असल्याने सळया वरील बाजूस लटकल्या होत्या. मात्र, खिडकीच्या काचेच्या तुकड्यांमुळे विद्यार्थी व मदतनीस किरकोळ जखमी झाले आहेत.