सी. टी. बोरा महाविद्यालयास 'नॅक'कडून A+ ( 3.38 CGPA) मानांकन

एज्युवार्ता न्यूज नेटवर्क 

चांदमल ताराचंद बोरा अर्थात सी.टी. बोरा (c. t. bora college) कला वाणिज्य व विज्ञान महाविद्यालयाला (Chandamal Tarachand Bora College)'नॅक'  (NAAC)कडून A+ ( 3.38 CGPA) ग्रेड मिळाला आहे.सर्वच  क्षेत्रात आघाडीवर असणारे आणि शिरूर तालुक्यातील नामांकित महाविद्यालयांपैकी एक अशी या महाविद्यालायची ओळख आहे. सी.टी. बोरा महाविद्यालयांला नॅक कडून चांगले मानांकन मिळाल्यामुळे महाविद्यालयांच्या शिरपेचात आणखी एक मानाचा तुरा खोवला गेला आहे.

सी.टी. बोरा महाविद्यालयाचे नॅक मूल्यमापन व मूल्यांकन करण्यासाठी नॅक समितीने  ११ व १२ मार्च २०२४ रोजी भेट दिली. या दोन दिवसीय भेटीमध्ये त्यांनी महाविद्यालयातील विविध शैक्षणिक विभागांची पाहणी केली. अभ्यासेइतर विभाग आणि विविध उपक्रमांना विशेषतः एनएसएस, एनसीसी, विद्यार्थी विकास मंडळ, परीक्षा विभाग, जिमखाना विभाग, ग्रंथालय, मीडिया सेंटर, लैंग्वेज लॅब, विद्यार्थी व विद्यार्थिनी वसतीगृह, स्पर्धा परीक्षा केंद्र, एनर्जी पार्क, धन्वंतरी गार्डन, विद्यार्थी व विद्यार्थिनींची बैठक व्यवस्था तसेच यशवंतराव चव्हाण महाराष्ट्र मुक्त विद्यापीठ केंद्र यांना भेटी दिली. तसेच प्रत्यक्ष प्राध्यापकांशी चर्चा करून महाविद्यालयाचे मूल्यमापन केले.

महाविद्यालयाचे नाविन्य पुर्ण उपक्रम आविष्कार, इनोवेशन व इंकुबेशन सेल, क्रिडा विभाग, सांस्कृतिक विभाग ई क्षेत्रामध्ये विद्यार्थ्यांनी राज्य व राष्ट्रीय स्तरावर प्राप्त केलेले यश पाहून समितीने विशेष कौतक केले. प्लेसमेंट सेल च्या माध्यमातून विद्यार्थ्यांना नामांकित कंपन्यांमध्ये मोठ्या प्रमाणात  प्राप्त झालेला रोजगार,  कमवा आणि शिका या योजनेच्या माध्यमातून विद्यार्थ्यांना झालेली भरीव मदत, माझी आई माझ्या कॉलेजात, मैत्री पुस्तकांशी, शिरूर तालुक्यातील जैव विविधता नोंद वही आदी बाबींची समितीने विशेष दखल घेतली.

महाविद्यालयाच्या सर्व इमारती व विद्यार्थ्यांना उपलब्ध असलेल्या विविध सोयीसुविधा याबाबतीत समाधान समाधान व्यक्त करण्यात आले. महाविद्यालयाचे प्राचार्य डॉ. के. सी मोहिते यांच्या नेतृत्वाची सर्व प्राध्यापक व शिक्षकेतर कर्मचारी यांनी केलेल्या सादरीकरणाची समीतीने प्रशंसा केली. IQAC चे समन्वयक डॉ. एस. बी. भोईटे, नॅक समन्वयक डॉ. पी. पी. प्रभुणे यांनी सर्व प्रक्रिया सुरळीत होण्यासाठी विशेष परिश्रम घेतले. महाविद्यालयाचे शाखा प्रमुख डॉ. पी. एस. वीरकर, प्रा. एच. एस. जाधव, सर्व विभागांचे प्रमुख, नॅकच्या विविध समितींचे प्रमुख व सदस्य यांनी विशेष योगदान दिले. कार्यालयाचे प्रमुख श्री. पी. सी. वाघमारे, IQAC तील श्री. निरज महाजन तसेच सर्व शिक्षेकतर कर्मचाऱ्यांचे विशेष सहकार्य मिळाले. 
शिरूर शिक्षण प्रसारक मंडळाचे अध्यक्ष मा.अनिल बोरा, महाविद्यालय नियामक मंडळाचे मा. अध्यक्ष प्रकाश धारिवाल, संस्थेचे सचिव मा. नंदकुमार निकम तसेच संस्थेचे व महाविद्यालय नियामक मंडळाचे सर्व सन्माननीय सदस्य यांनी प्राचार्य डॉ के सी मोहिते व सर्व प्राध्यापक व शिक्षकेतर कर्मचारी यांचे अभिनंदन केले.

------------------------------

 संस्थेचे अध्यक्ष, उपाध्यक्ष, सचिव व सर्व सन्माननीय सदस्य यांचे पाठबळ व मार्गदर्शन, प्राध्यापक व शिक्षकेतर कर्मचारी यांचे परिश्रम, विद्यार्थ्यांचे विविध क्षेत्रातील यश, माजी विद्यार्थी व महाविद्यालयाशी जोडलेले अनेक मान्यवर तज्ञ, परिसरातील औद्योगिक व इतर संस्था या सर्वांच्या योगदानामुळे हे यश प्राप्त झाले आहे.

- डॉ.  के.  सी.  मोहिते, प्राचार्य. सी.टी. बोरा कला वाणिज्य व विज्ञान महाविद्यालय, शिरूर