फार्मसी अभ्यासक्रमाच्या २ हजार जागा वाढल्या, ३८ काॅलेज दुसऱ्या फेरीत सहभागी
या निर्णयामुळे दुसऱ्या फेरीत पदवीच्या सुमारे ८०० जागा असून, पदविकेच्या १५०० जागा वाढण्याची शक्यता आहे. त्यामुळे प्रवेश प्रक्रियेत अधिक विद्यार्थ्यांना संधी मिळणार असून, औषधनिर्माणशास्त्र क्षेत्रातील शिक्षणाची उपलब्धता वाढण्यास हातभार लागणार आहे. प्रवेश बंदी उठवण्यात आलेल्या महाविद्यालयांपैकी बहुतांश संस्थांनी 'पीसीआय'चे सर्व निकष पूर्ण केले आहेत.
eduvarta@gmail.com 
एज्युवार्ता न्यूज नेटवर्क
फार्मसी अभ्यासक्रमाला प्रवेश (Pharmacy course admission process) घेण्यास इच्छुक असलेल्या उमेदवारांसाठी आनंदाची बातमी समोर आली आहे. दुसऱ्या प्रवेश फेरीसाठी जवळपास २ हजार जागा वाढल्या (2 thousand seats increased) आहेत. तर राज्यातील ३८ महाविद्यालयांना यामुळे मोठा दिलासा मिळाला आहे. भारतीय औषधनिर्माणशास्त्र परिषदेने (पीसीआय) राज्यातील अनेक फार्मसी महाविद्यालयांना पायाभूत सुविधांचे निकष पूर्ण होत नसल्याने प्रवेश प्रक्रियेपासून रोखले होते. मात्र, आता या १३ पदवी आणि २५ पदविका महाविद्यालयांनी निकषांच्या पूर्ततेचा अहवाल सादर केल्यानंतर 'पीसीआय'ने या महाविद्यालयांना प्रवेशप्रक्रियेतील दुसऱ्या फेरीत सहभागी होण्याची परवानगी दिली आहे.
राज्यातील १२ हजार ७८० प्राध्यापकांची दिवाळी होणार गोड; ७४ कोटी १५ लाख रक्कम कोषागारात जमा
या निर्णयामुळे दुसऱ्या फेरीत पदवीच्या सुमारे ८०० जागा असून, पदविकेच्या १५०० जागा वाढण्याची शक्यता आहे. त्यामुळे प्रवेश प्रक्रियेत अधिक विद्यार्थ्यांना संधी मिळणार असून, औषधनिर्माणशास्त्र क्षेत्रातील शिक्षणाची उपलब्धता वाढण्यास हातभार लागणार आहे. प्रवेश बंदी उठवण्यात आलेल्या महाविद्यालयांपैकी बहुतांश संस्थांनी 'पीसीआय'चे सर्व निकष पूर्ण केले आहेत. उर्वरित महाविद्यालयांबाबतही लवकरच निर्णय घेतला जाणार असल्याची माहिती उच्च व तंत्रशिक्षण विभागातीने दिली आहे.
या महाविद्यालयांना दिलासा -
माऊली इन्स्टिट्यूट ऑफ फार्मसी- वाशिम, जय भारत कॉलेज ऑफ फार्मसी- लातूर, एसबीएनएम कॉलेज ऑफ फार्मसी- महाड, एल्डेल कॉलेज ऑफ फार्मसी अँड रिसर्च- पालघर, ज्ञान गंगा कॉलेज ऑफ फार्मसी- ठाणे, नॅशनल कॉलेज ऑफ फार्मसी- नागपूर, चंद्रपूर कॉलेज ऑफ फार्मसी- चंद्रपूर, प्रभात इन्स्टिट्यूट ऑफ फार्मसी- चंद्रपूर, ब्रह्मा व्हॅली इन्स्टिट्यूट ऑफ फार्मसी- नाशिक, देवराव दिगंबर वरात कॉलेज ऑफ फार्मसी अहिल्यानगर, शिक्षण प्रसारक मंडळाचे कॉलेज ऑफ फार्मसी- सातारा (मायणी), एकनाथ सीताराम दिवेकर कॉलेज ऑफ फार्मसी- पुणे, बाळासाहेब देसाई कॉलेज ऑफ फार्मसी- कोल्हापूर.
'पीसीआय'ने राज्यातील नव्याने सुरू झालेल्या २२० पदविका आणि ९२ पदवी महाविद्यालयांपैकी अनेक महाविद्यालयांकडे आवश्यक पायाभूत सुविधा नसल्याचे आढळून आले. त्यामुळे तंत्रशिक्षण संचालनालय आणि मंडळामार्फत तपासणी करण्यात आली. त्यात १७६ महाविद्यालयांनी 'पीसीआय'चे निकष पूर्ण केले नसल्याचे निष्पन्न झाले. त्यानंतर ८९ महाविद्यालयांवर 'प्रवेशबंदी' लागू करण्यात आली होती. मात्र या संस्थांपैकी ३८ महाविद्यालयांनी आवश्यक दुरुस्त्या करून पायाभूत सुविधा उपलब्ध यांची प्रवेशबंदी उठवली...
