SSC जीडी कॉन्स्टेबल भरती परीक्षेच्या तारखांमध्ये बदल
या परीक्षेद्वारे एकूण 39 हजार 481 पदांवर नियुक्त्या केल्या जातील, ज्यात BSF मध्ये 15 हजार 654 पदे, CISF मध्ये 7 हजार 145 पदे आणि CRPF मध्ये 11 हजार 541 पदे समाविष्ट आहेत. याशिवाय SSB मध्ये 819 पदे आणि SSF मध्ये 35 पदे भरण्यात येणार आहेत. तसेच, NCB मध्ये 22 पदांवर नियुक्त्या करण्यात येणार आहेत.
eduvarta@gmail.com 
एज्युवार्ता न्यूज नेटवर्क
कर्मचारी निवड आयोगामार्फत (Staff Selection Commission) SSC जीडी कॉन्स्टेबल भरती परीक्षेच्या तारखांमध्ये बदल करण्यात आले आहेत. (The dates of GD Constable recruitment exam have been changed) ज्या उमेदवारांनी केंद्रीय सशस्त्र पोलीस दल (CAPFs) SSF मध्ये कॉन्स्टेबल (GD), आसाम रायफल्समध्ये रायफलमन (GD) आणि नार्कोटिक्स कंट्रोल ब्युरो या परीक्षेत कॉन्स्टेबल पदासाठी अर्ज केला आहे ते अधिकृत वेबसाइटला भेट देऊन नवीन बदल पाहू शकतात.
नवीन बदलांनुसार आता ही परीक्षा 4, 5, 6, 7, 10, 11, 12, 13, 17, 18, 19, 20, 21 आणि 25 फेब्रुवारी 2025 रोजी होणार आहे. यापूर्वी, GD कॉन्स्टेबल भरती परीक्षा SSC द्वारे 4, 5, 6, 7, 8, 9, 10, 11, 12, 13, 17, 18, 19, 20, 21, 24 आणि 25 फेब्रुवारी 2025 रोजी घेतली जाणार होती. मात्र,आता त्यात बदल करण्यात आला आहे. आता 8, 9 आणि 24 फेब्रुवारी रोजी होणार्या परीक्षांच्या तारखांमध्ये बदल करण्यात आले आहेत.
या परीक्षेद्वारे एकूण 39 हजार 481 पदांवर नियुक्त्या केल्या जातील, ज्यात BSF मध्ये 15 हजार 654 पदे, CISF मध्ये 7 हजार 145 पदे आणि CRPF मध्ये 11 हजार 541 पदे समाविष्ट आहेत. याशिवाय SSB मध्ये 819 पदे आणि SSF मध्ये 35 पदे भरण्यात येणार आहेत. तसेच, NCB मध्ये 22 पदांवर नियुक्त्या करण्यात येणार आहेत.
या भरती प्रक्रियेमध्ये परीक्षेच्या विविध टप्प्यांचा समावेश होतो. ज्यामध्ये संगणक आधारित परीक्षा (CBT), शारीरिक कार्यक्षमता चाचणी (PET), शारीरिक मानक चाचणी (PST) आणि वैद्यकीय फेरी यांचा समावेश होतो. तर वैद्यकीय फेरीनंतर,परीक्षेच्या पुढील टप्प्यात उमेदवारांची कागदपत्र पडताळणी केली जाते.
