NEET UG  बाबत मोठा निर्णय ; NTA ने सांगितले कशी होणार परीक्षा 

एज्युवार्ता न्यूज नेटवर्क 

राष्ट्रीय पात्रता प्रवेश परीक्षा (National Eligibility Entrance Test) NEET UG परीक्षा पेन पेपर मोड मध्ये होणार की ऑनलाइन, NEET UG,  JEE परीक्षेच्या पार्श्वभूमीवर होणार का ? असे अनेक तर्क वितर्क गेल्या अनेक दिवसांपासून लावले जात आहेत. अखेर राष्ट्रीय चाचणी संस्थेने (National Testing Agency) NTA परीक्षेच्या पॅटर्नवर मोठी घोषणा केली आहे. 

  NTA ने  (NEET UG 2025) एकाच दिवशी आणि एकाच शिफ्टमध्ये घेण्याचा निर्णय घेतला आहे. (It has been decided to conduct NEET UG 2025 on a single day and in a single shift) या सोबतच NEET UG पेपर मोडवरही अंतिम निर्णय घेण्यात आला आहे.  नीट युजी परीक्षा पेन-अँड-पेपर पद्धतीने घेण्याची घोषणा NTA ने केली आहे. 

NTA ने  अधिकृत सूचनेत म्हटले आहे की, 'राष्ट्रीय वैद्यकीय आयोगाने (एनएमसी) निर्णय घेतल्यानुसार NEET (UG)-२०२५ ही परीक्षा एकाच दिवशी आणि एकाच शिफ्टमध्ये पेन आणि पेपर पद्धतीने (OMR आधारित) घेतली जाईल, असे सूचित केले जाते.

'राष्ट्रीय वैद्यकीय आयोग कायदा २०१९ च्या कलम १४ नुसार, सर्व वैद्यकीय अभ्यासक्रमांमध्ये पदवीपूर्व वैद्यकीय शिक्षणासाठी प्रवेश घेण्यासाठी NEET (UG) ही एक सामान्य आणि एकसमान राष्ट्रीय पात्रता-सह-प्रवेश परीक्षा (NEET) म्हणून स्थापन करण्यात आली आहे. राष्ट्रीय भारतीय औषध प्रणाली आयोग कायदा २०२० च्या कलम १४ नुसार या कायद्याअंतर्गत शासित सर्व वैद्यकीय संस्थांना भारतीय औषध प्रणालीच्या प्रत्येक शाखेसाठी प्रवेश परीक्षा घ्याव्या लागतील.  म्हणजेच BAMS, BUMS आणि बीएसएमएस अभ्यासक्रमांमध्ये पदवीपूर्व अभ्यासक्रमांच्या प्रवेशासाठी एक सामान्य नीट (यूजी) राष्ट्रीय होमिओपॅथी आयोगाच्या अंतर्गत बीएचएमएस अभ्यासक्रमांच्या प्रवेशासाठीही नीट (यूजी) लागू असेल. २०२५ सालासाठी सशस्त्र दल वैद्यकीय सेवा रुग्णालयांमध्ये आयोजित केल्या जाणाऱ्या बी.एससी नर्सिंग अभ्यासक्रमांमध्ये प्रवेश घेऊ इच्छिणाऱ्या मनसे (मिलिटरी नर्सिंग सर्व्हिस) उमेदवारांना नीट (यूजी) साठी पात्रता आवश्यक आहे. चार वर्षांच्या बी.एस्सी नर्सिंग अभ्यासक्रमासाठी निवडीसाठी NEET (UG) गुणांचा वापर केला जाईल,' असेही निवेदनात नमूद करण्यात आले आहे.