CET परीक्षा देणाऱ्या विद्यार्थ्यांची संख्या सुमारे 4 लाखाने वाढली ; PCM सीईटी देणारे सर्वाधिक
एकट्या पीसीएम सीईटी परीक्षा देणाऱ्या विद्यार्थ्यांची संख्या 7 लाख 39 हजार 117 एवढी आहे. त्यामुळे पारंपरिक अभ्यासक्रम सोडून विद्यार्थ्यांचा कल व्यावसायिक अभ्यासक्रमाकडे अधिक झुकल्याचे दिसत आहे.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य सामायिक प्रवेश परीक्षा कक्षातर्फे 2026- 27 या शैक्षणिक वर्षासाठी घेण्यात आलेल्या सीईटी परीक्षा संपल्या असून राज्यातील तब्बल 16 लाख 29 हजार 484 विद्यार्थ्यांनी सीईटी परीक्षा दिली आहे. गेल्या वर्षी 12 लाख 46 हजार 192 विद्यार्थ्यांनी सीईटी परीक्षा दिली होती. त्यामुळे यंदा सीईटी देणाऱ्या विद्यार्थ्यांच्या संख्येत 3 लाख 83 हजाराने वाढ झाली आहे. एकट्या पीसीएम सीईटी परीक्षा देणाऱ्या विद्यार्थ्यांची संख्या 7 लाख 39 हजार 117 एवढी आहे. त्यामुळे पारंपरिक अभ्यासक्रम सोडून विद्यार्थ्यांचा कल व्यावसायिक अभ्यासक्रमाकडे अधिक झुकल्याचे दिसत आहे.
सीईटी सेलतर्फे 24 मार्च 2026 ते 23 मे 2026 दरम्यान 20 परीक्षा घेण्यात आल्या.जेईई मेन्स परीक्षेच्या धरतीवर यंदा प्रथमच राज्य शासनातर्फे दोन सीईटी परीक्षा देण्याच्या संधी उपलब्ध करून देण्यात आल्या. विद्यार्थ्यांना एकच परीक्षा देणे बंधनकारक होते. मात्र, परीक्षा दिलेल्या दोन्ही मधील ज्या परीक्षेच्या निकालात अधिक परसेंटाइल असेल तो निकाल प्रवेशासाठी ग्राह्य धरला जाईल, असे स्पष्ट करण्यात आले होते.
पीसीएम ग्रुपच्या दुसऱ्या सीईटीसाठी 2 लाख 85 हजार विद्यार्थ्यांनी या संधीचा लाभ घेतला. तर पीसीबी ग्रुपचा लाभ 95 हजार 634 विद्यार्थ्यांनी घेतला. दोन्ही पीसीबी मिळून 3 लाख 59 हजार 840 विद्यार्थ्यांनी परीक्षा दिली.
एमबीए साठी एक लाख 57 हजार 637 विद्यार्थ्यांनी परीक्षा दिली. तीन वर्ष एलएलबी अभ्यासक्रमाच्या प्रवेशासाठी 69 हजार 473 विद्यार्थ्यांनी परीक्षा दिली. बीएड प्रवेशासाठी 99570 विद्यार्थ्यांनी परीक्षा दिली.
बीबीए /बीसीए/ बीएमएस/ बीबीएम अभ्यासक्रमासाठी 62 हजार 321 विद्यार्थ्यांनी सिटी दिली. एमसीए साठी 53 हजार 256, नर्सिंग साठी 43 हजार 283, एलएलबी पाच वर्ष अभ्यासक्रमासाठी 29 हजार 288 विद्यार्थ्यांनी परीक्षा दिली.
2023- 24 या शैक्षणिक वर्षात सीईटी देणाऱ्या विद्यार्थ्यांची संख्या 9 लाख 37 हजार 513 एवढी होती. 2024-25 मध्ये ही संख्या 11 लाख 80हजार 781 एवढी झाली. तर 2025-26 मध्ये म्हणजेच मागील वर्षी ही संख्या 12 लाख 46 लाख 192 पर्यंत गेले. यावर्षी सीईटी परीक्षा देणारे विद्यार्थी 16 लाख 29 हजार 484 एवढे आहेत.
