'MBBS'ला प्रवेश देण्याच्या बहाण्याने 5 लाखांची फसवणूक
गजानन मुकुटराव नाकट (रा.केळकरवाडी, मूर्तिजापूर, जिल्हा अकोला) यांनी आपल्या दोन्ही मुलींच्या प्रवेशासाठी पाच लाख रुपये एवढी रक्कम एज्यूविवो कंपनीच्या खात्यात जमा केली . कंपनीचे कौन्सिलर व कर्मचारी आरोपी रोनित सर, आणि अरगटपा अरविंदराव उर्फ आदित्यकुमार आदित्य देशमुख या दोघां विरोधात गुन्हा दाखल केला आहे.
eduvarta@gmail.com 
एज्युवार्ता न्यूज नेटवर्क
शासकीय मेडिकल कॉलेजमध्ये प्रवेश मिळवण्यासाठी विद्यार्थ्यांना नीट परीक्षेमध्ये चांगले गुण मिळवावे लागतात. नीट मध्ये कमी गुण मिळण्याची शक्यता असणारे पालक व विद्यार्थी खाजगी मेडिकल कॉलेजमध्ये प्रवेश मिळावा यासाठी वेगवेगळ्या सल्लागार एजन्सीचे सहकार्य घेतात. त्याचाच फायदा घेऊन अनेक विद्यार्थी व पालकांना लाखो रुपयांचा गंडा घालणाऱ्या टोळ्या शिक्षणाक्षेत्रात उदयास आल्या आहेत. विमान नगर परिसरात एज्यूविवो सोल्युशन प्रायव्हेट लिमिटेड या कंपनीच्या नावाने दोघांनी पाच लाख रुपये घेऊन फसवणूक केल्याची धक्कादायक माहिती समोर आली आहे. या प्रकरणी विमान नगर पोलिसांनी गुन्हा नोंदवला आहे.
गजानन मुकुटराव नाकट (रा.केळकरवाडी, मूर्तिजापूर, जिल्हा अकोला) यांनी आपल्या दोन्ही मुलींच्या प्रवेशासाठी पाच लाख रुपये एवढी रक्कम एज्यूविवो कंपनीच्या खात्यात जमा केली. कंपनीचे कौन्सिलर व कर्मचारी आरोपी रोनित सर, आणि अरगटपा अरविंदराव उर्फ आदित्यकुमार आदित्य देशमुख या दोघां विरोधात गुन्हा दाखल केला आहे.
विद्येचे माहेरघर म्हणून ओळखल्या जाणाऱ्या पुण्यात शिक्षणाचा बाजार मांडला गेला आहे. अनेक संस्था मेडिकल इंजिनिअरिंग सह इतर व्यावसायिक अभ्यासक्रमांना प्रवेश मिळवून देतो असे सांगत पालकांची लाखो रुपयांची फसवणूक करत आहेत. गेल्या काही वर्षात त्यात वाढ होताना दिसत आहे. वडगाव शेरी विमान नगर परिसरात यापूर्वी एमबीबीएस प्रवेश मिळवून देण्याच्या प्रकरणातील फसवणुकीबाबत अनेक गुन्हे दाखल झाले आहेत. त्यामुळे पालकांनी फसवणूक करण्यापासून सावध राहण्याची आवश्यकता आहे.
