भारतीय नौदलात अधिकारी पदासाठी भरती प्रक्रिया सुरू!
भारतीय नौदलाची ही भरती तांत्रिक शाखा, शिक्षण शाखा आणि कार्यकारी शाखेत झाली आहे. एकूण २७० पदांसाठी ही भरती प्रक्रिया राबवली जाणार आहे. या भरतीसाठी अर्ज करण्यासाठी, उमेदवारांकडे पदानुसार बीई/बीटेक पदवी, एमबीए/बीएससी/बी.कॉम/एमसीए/एमएससी इत्यादी पदवी किमान ६०% गुणांसह उत्तीर्ण असणे आवश्यक आहे.
eduvarta@gmail.com 
एज्युवार्ता न्यूज नेटवर्क
भारतीय नौदलात सामील होण्याचे स्वप्न पाहणाऱ्या उमेदवारांसाठी नवीन संधी निर्माण झाली आहे. भारतीय नौदलाने (Indian Navy) शॉर्ट सर्व्हिस कमिशन (Short Service Commission) एसएससी जानेवारी २०२६ अंतर्गत तीन शाखांमध्ये अधिकारी पातळीवरील रिक्त जागा जाहीर केल्या आहेत. (Officer level vacancies have been announced in three branches) या भरतीची अधिकृत जाहिरात प्रसिद्ध झाली आहे. भारतीय नौदलाच्या https://www.joinindiannavy.gov.in/ या अधिकृत वेबसाइटवर अर्ज प्रक्रिया सुरू झाली असून पात्र उमेदवार २५ फेब्रुवारीपर्यंत अर्ज करू शकतील.
भारतीय नौदलाची ही भरती तांत्रिक शाखा, शिक्षण शाखा आणि कार्यकारी शाखेत झाली आहे. एकूण २७० पदांसाठी ही भरती प्रक्रिया राबवली जाणार आहे. या भरतीसाठी अर्ज करण्यासाठी, उमेदवारांकडे पदानुसार बीई/बीटेक पदवी, एमबीए/बीएससी/बी.कॉम/एमसीए/एमएससी इत्यादी पदवी किमान ६०% गुणांसह उत्तीर्ण असणे आवश्यक आहे.
या नौदलाच्या भरतीमध्ये उमेदवारांची वयोमर्यादा स्वतंत्रपणे निश्चित करण्यात आली आहे. यासाठी अधिसूचनेत पदासह जन्मतारखेची माहिती सविस्तर देण्यात आली आहे. उमेदवारांची निवड कोणत्याही परीक्षेशिवाय शॉर्टलिस्टिंग, मुलाखत, वैद्यकीय चाचणी आणि अंतिम गुणवत्ता यादीच्या आधारे केली जाईल.
