कॉलेज टॉपर, 50 प्रशस्तिपत्रके, 10 मेडल, तरीही बेरोजगार; कुठेही इंटर्नशिप मिळेना
हंसराज कॉलेजमध्ये शिकणारी बिस्मा ही इंग्रजी ऑनर्सची प्रथम वर्षाची विद्यार्थिनी आहे. यासोबतच ती तिच्या कॉलेजची टॉपर देखील आहे. पण आश्चर्याची गोष्ट म्हणजे इतके चांगले गुण मिळवूनही तिला कुठेही इंटर्नशिप मिळत नाहीये.
eduvarta@gmail.com 
एज्युवार्ता न्यूज नेटवर्क
चांगली नोकरी मिळवण्यासाठी, उज्वल भविष्यासाठी चांगला अभ्यास करून चांगले गुण मिळवणे महत्वाचे आहे, हा लहानपणापासून देण्यात आलेला मंत्र बिनकामाचा वाटला तर, असेच काहीसे बिस्मा नावाच्या युवतीने अनुभवले आहे. बिस्माने आपली आपबीती सोशल मीडियावर शेअर केली आहे. (Delhi University Topper Shares Her Struggle, To Get An Internship)
हंसराज कॉलेजमध्ये शिकणारी बिस्मा ही इंग्रजी ऑनर्सची प्रथम वर्षाची विद्यार्थिनी आहे. यासोबतच ती तिच्या कॉलेजची टॉपर देखील आहे. पण आश्चर्याची गोष्ट म्हणजे इतके चांगले गुण मिळवूनही तिला कुठेही इंटर्नशिप मिळत नाहीये. "आय एम अ टॉपर ओर मुझे इंटर्नशिप नाही मिल रही." या मथळ्याखाली बिस्माने आपली पोस्ट लिहिली आहे.
बिस्मा ने आपल्या पोस्ट मध्ये लिहिले आहे की, "मला हे समजण्यास थोडा वेळ लागला की केवळ आकडा पुरेसा नसतो. खरा फरक कौशल्यांमुळे पडतो."
तिच्या या पोस्टवर बर्याच युवांनी रियाक्ट होत अशीच त्यांचीही परिस्थिति असल्याचे म्हटले आहे. तर काहींनी ही शिक्षण व्यवस्थेतील त्रुटी असल्याचे म्हटले आहे. बिस्माची ही पोस्ट लिंकडीन वर मोठ्या प्रमाणात व्हायरल होत आहे.
