वार्षिक परीक्षा मुख्याध्यापक संघाच्या वेळापत्रकानुसारच होणार?

एज्युवार्ता न्यूज नेटवर्क 

राज्यातील इयत्ता पहिली ते नववीच्या वार्षिक परीक्षा (Annual examinations for classes 1 to 9) केव्हा घ्याव्यात यावर वरवर वाद दिसत असला आणि शासनाने परीक्षा केव्हा घ्याव्यात याबाबत वेळापत्रक (timetable) प्रसिध्द केले असले तरी राज्यातील बहुतांश शाळांच्या परीक्षा या मुख्याध्यापक संघाने प्रसिद्ध केलेल्या वेळापत्रकानुसार (School examinations will be held as per the schedule published by the Principals' Association) होणार असल्याचे विश्वासनीय सूत्रांनी सांगितले. त्यामुळे शासनाच्या आदेशाचे उल्लंघन केल्याप्रकरणी संबंधितांना कारवाईला सामोरे जावे लागू शकते. 

महाराष्ट्र राज्य शैक्षणिक संशोधन व प्रशिक्षण परिषदेने (Maharashtra State Council of Educational Research and Training) राज्यातील पहिली ते नववीच्या वार्षिक परीक्षा व पॅट परीक्षा केव्हा घेतल्या जाव्यात याबाबत स्वतंत्र वेळापत्रक प्रसिध्द केले. त्यानुसार राज्यातील शाळांनी 8 एप्रिल ते 25 एप्रिल या कालावधीत परीक्षा घेणे अपेक्षित आहे. परंतु, मुख्याध्यापक संघाने या कालावधीत परीक्षा घेऊन निकाल जाहीर करणे अडचणीचे ठरत असल्याने परीक्षेच्या वेळापत्रकात बदल करण्याची मागणी केली. मात्र, त्यास राज्याच्या शिक्षण विभागाकडून प्रतिसाद मिळाला नाही. त्यावर मुख्याध्यापक संघाने स्वत:चे वेळापत्रक प्रसिध्द केले.या वेळापत्रकानुसार पॅट परीक्षा या शिक्षण विभागाच्या वेळापत्रकानुसारच होणार आहेत. वार्षिक परीक्षा पात्र शिक्षण विभागाच्या वेळापत्रकानुसार न घेता मुख्याध्यापक संघाने प्रसिध्द केलेल्या वेळापत्रकानुसार घेतल्या जातील,असे मुख्याध्यापक संघटनेतील सूत्रांकडून सांगितले जात आहे. परंतु, याबाबत अधिकृतपणे बोलण्यास कोणीही समोर येत नाही. 

परीक्षा कोणत्या कालावधीत घ्याव्यात यावर शासन आणि मुख्याध्यापक संघ यांच्यात वाद सुरू आहे. मात्र, शासनाने प्रसिध्द केलेल्या वेळापत्रकानुसार परीक्षा घेतल्या नाही तर संबंधितांवर कारवाई होणार आहे.त्याचप्रमाणे मुख्याध्यापक संघाच्या काही पदाधिकाऱ्यांना शिक्षण विभाग नोटीस बाजावण्याच्या तयारीत आहे,असेही बोलले जात आहे.त्यामुळे याबाबत पुढील काळात अनेक अनपेक्षित घटना व वाद पाहायला मिळण्याची शक्यता व्यक्त केली जात आहे.