विद्यापीठात मराठी भाषा गौरव दिनानिमित्त काव्य संमेलन

एज्युवार्ता न्यूज नेटवर्क 

सावित्रीबाई फुले पुणे विद्यापीठात मराठी भाषा गौरव दिनानिमित्त ग्रंथदिंडी आणि काव्य संमेलनाचे आयोजन करण्यात आले आहे. विद्यापीठातील मराठी विभागातर्फे घेण्यात येणाऱ्या या कार्यक्रमातील ग्रंथदिंडीचे उद्धाटन विद्यापीठाचे प्र-कुलगुरू डॉ पराग काळकर यांच्या हस्ते होणार आहे. यावेळी प्रमुख पाहुणे म्हणून प्रभारी कुलसचिव प्रा.(डॉ) विजय खरे यांच्यासह व्यवस्थापन परिषदेचे सदस्य डॉ. धोंडीराम पवार, गुणवत्ता सुधार केंद्राचे संचालक  प्रा. संजय ढोले, पाली विभाग प्रमुख प्रा. महेश देवकर, हिंदी विभाग प्रमुख प्रा. विजयकुमार रोडे, संस्कृत विभाग प्रमुख प्रा. देवनाथ त्रिपाठी, इंग्रजी विभाग प्रमुख डॉ. चंद्राणी चटर्जी, मराठी विभाग प्रमुख डॉ. तुकाराम रौंगटे, प्रा (डॉ.) प्रभाकर देसाई उपस्थित राहणार आहेत.

 मराठी विभाग ते विद्यापीठाच्या मुख्य इमारतीपर्यंत सकाळी ९.३० वाजता ग्रंथदिंडी काढण्यात येणार आहे. त्यानंतर दुपारी २.३० वाजता मराठी विभागात काव्य संमेलन होणार आहे. या काव्य संमेलनाच्या अध्यक्षपदी ज्येष्ठ कवी श्री. वाहरू सोनवणे उपस्थित राहणार आहेत. यावेळी डॉ. शशीकांत दूधगावकर (पुणे),  सीता भोजने (अकोले), अनिल साबळे (नारायणगाव),  दशरथ शिंदे (अहमदनगर) आणि  योजना यादव (पुणे) आपल्या कविता सादर करणार आहेत. हे काव्य संमेलन सर्वांसाठी खुले असून काव्य रसिकांनी याचा आस्वाद घ्यावा, असे आवाहन आयोजकांनी केले आहे.