UPSC CSE प्रिलिम्स 2024 : नाव आणि रोल नंबर नुसार निकाल जाहीर
CSE मुख्य परीक्षा 2024 साठी पात्र ठरलेल्या विद्यार्थ्यांचे नाव आणि रोल नंबर देण्यात आला आहे. विद्यार्थी अधिकृत वेबसाइट upsc.gov.in वर यादी पाहू शकतात.
Eduvarta
एज्युवार्ता न्यूज नेटवर्क
केंद्रीय लोकसेवा आयोगाने (UPSC) CSE प्रिलिम्स 2024 (CSE Prelims 2024) मधील पात्र विद्यार्थ्यांची यादी प्रसिद्ध (Name list of eligible students published) केली आहे. या यादीमध्ये CSE मुख्य परीक्षा 2024 साठी पात्र ठरलेल्या विद्यार्थ्यांचे नाव आणि रोल नंबर (Name and roll number list of students released) देण्यात आला आहे. विद्यार्थी अधिकृत वेबसाइट upsc.gov.in वर यादी पाहू शकतात.
आयोगाने UPSC CSE मुख्य परीक्षेसाठी 14 हजार 627 विद्यार्थ्यांची शिफारस केली आहे. नागरी सेवा परीक्षा- प्रिलिम्स 2024 देशभरात 16 जून रोजी दोन शिफ्टमध्ये घेण्यात आली. UPSC CSE प्रिलिम्स 2024 साठी 13.4 लाखांहून अधिक उमेदवारांनी हजेरी लावली होती. परीक्षा यापूर्वी 26 मे रोजी होणार होती.मात्र, निवडणूक आयोगाने सार्वत्रिक निवडणुकांमुळे पुढे ढकलली.
आयोगाने यापूर्वी उमेदवारांना सूचित केले आहे की, IFoS आणि CSE साठी एकूण 150 रिक्त जागा आहेत. गेल्या वर्षी 1 हजार 105 पदांच्या तुलनेत यंदा रिक्त पदे कमी झाली आहेत. 2021 मध्ये केवळ 712 आणि 2020 मध्ये 796 पदे उपलब्ध होती. तज्ञांनी असे म्हटले आहे की, 2023 मध्ये झालेल्या परीक्षेच्या तुलनेत यावर्षी UPSC प्रिलिम्स परीक्षा सोपी होती.
